سابق وزیراعظم اور پاکستان تحریک انصاف (پی ٹی آئی) کے چیئرمین عمران خان کا کہنا ہے کہ مقصد کے اتنے قریب ہوں تو کوئی خوف یا موت کا خطرہ جدوجہد کو نہیں روک سکتا ہے۔
اے آر وائی نیوز کے مطابق چیئرمین پی ٹی آئی عمران خان نے سماجی رابطے کی ویب سائٹ ٹویٹر پر اپنے پیغام میں کہا کہ مضحکہ خیز ایف آئی آر پر میرے وکیل مؤقف پیش کریں گے۔
انہوں نے کہا کہ میں نے ساری زندگی اپنے ملک کو خوشحال فلاحی ریاست بنانے کا خواب دیکھا ہے۔
عمران خان نے کہا کہ میری جدوجہد اس خواب کو قوم کے لیے حقیقت بنانے میں گزری ہے، آج قوم بیدار ہوچکی اور سمجھ چکی ہے، جاگ اٹھی ہے۔
in support of my message of justice, freedom & national sovereignty. When we are so close to our goal no fear or threat of death can stop my struggle. Our peaceful.protests & dialogue are only for Pakistan's Haqeeqi Azadi.
— Imran Khan (@ImranKhanPTI) November 8, 2022
چیئرمین پی ٹی آئی نے کہا کہ ہمارا پر امن احتجاج اور مذاکرات صرف پاکستان کی حقیقی آزادی کے لیے ہیں۔
انہوں نے لکھا کہ پاکستان کے مستقبل کے لیے پی ٹی آئی کے دروازے ہر جمہوریت پسند قوت کے لیے کھلے ہیں، جمہوریت پسند قوتیں آزادی، قانون کی بالادستی کے لیے ہمارا ساتھ دیں۔
For the future of Pakistan the doors of PTI are open to all democratic loving forces to join our struggle for Justice, rule of law & freedom from foreign subservience – our goal of Haqeeqi Azadi
— Imran Khan (@ImranKhanPTI) November 8, 2022
عمران خان کا مزید کہنا تھا کہ غیرملکی غلامی کے خلاف اور حقیقی آزادی کی جدوجہد میں ہمارا ساتھ دیں۔