اسلام آباد : حکومت کی جانب سے سیکوریٹی اینڈ ایکس چینج کمیشن کے موجودہ چیئرمین عامر احمد خان کو ہٹاکر عاکف سعید کو چیئرمین بنائے جانے کا امکان ہے۔
تفصیلات کے مطابق وزارت خزانہ کے ذرائع کا کہنا ہے کہ چیئرمین ایس ای سی پی عامر خان کو عہدے سے ہٹانے اور عاکف سعید کو چیئرمین ایس ای سی پی بنانے کا امکان ہے ۔
ذرائع نے بتایا کہ موجودہ چیئرمین عامر خان کمشنر ایس ای سی پی تعینات رہیں گے، وفاقی حکومت ایس ای سی پی میں کمشنر کی 3خالی آسامیوں پر انٹرویو ہوچکے ہیں اور اس سلسلے میں اب تعیناتیاں جلد ہونے کا امکان ہے۔
وفاقی حکومت نے سرکولیشن سمری کے ذریعے وفاقی کابینہ کے اجلاس کے قبل تین نئے کمشنر کی منظوری دے دی تھی۔
کابینہ سرکولیشن سمری کے ذریعے نئےتعینات ہونیوالے کمشنرز عاکف سعید، عبدالرحمان اور مجتبیٰ لودھی کےناموں کی منظوری دے چکی ہے۔ عاکف سعید کی بطور کمشنر تعیناتی کے فوری بعد انہیں چیئرمین ایس ای سی پی تعینات کیا جا سکتا ہے۔
