The news is by your side.

Advertisement

چیئرمین سینیٹ کا 3ماہ کی تنخواہ کروناایمرجنسی فنڈ میں دینے کا اعلان

اسلام آباد: چیئرمین سینیٹ صادق سنجرانی نے 3ماہ کی تنخواہ کروناایمرجنسی فنڈ میں دینے کا اعلان کردیا۔

تفصیلات کے مطابق صادق سنجرانی اپنی تین ماہ کی تنخواہ فنڈ میں جمع کرائیں گے۔ جبکہ چیئرمین کی ہدایت پر سینیٹرز ایک ماہ کی تنخواہ فنڈ میں دیں گے۔ گریڈ 20، 21 اور 22 کے افسران کی 5 دن کی تنخواہ فنڈ میں جائے گی۔

ترجمان سینیٹ کے مطابق گریڈ 17 سے 19 کی 3 دن کی تنخواہ ایمرجنسی فنڈ میں جائے گی۔ گریڈ 7 سے 16 کی ایک دن کی تنخواہ ایمرجنسی فنڈ میں جائے گی۔ چیئرمین سینیٹ کا کہنا مشکل فیصلے کریں گے تو کرونا وائرس کے پھیلاؤ کو روکا جا سکے گا، عوام گھر رہیں تاکہ حکومت کو مریضوں کی دیکھ بھال میں آسانی ہو۔

کرونا وائرس: پنجاب حکومت نے 24 کروڑ کے فنڈز جاری کر دیے

خیال رہے کہ آج مشیر خزانہ حفیظ شیخ کی زیر صدارت اقتصادی رابطہ کمیٹی کا اجلاس آج ہوا جس میں کرونا وائرس کے لیے ایمرجنسی فنڈز جاری کرنے کی منظوری دی گئی۔

دوسری جانب کروناوائرس سے لڑنے کے لیے صوبائی سطح پر بھی فنڈ پروگرامز کا آغاز کیا گیا ہے۔ کرونا وائرس کے باعث پنجاب حکومت نے محکمہ صحت کو ضروری سامان کے لیے 24 کروڑ کے فنڈز جاری کر دیے ہیں۔

fb-share-icon0
Tweet 20

Comments

comments

یہ بھی پڑھیں