The news is by your side.

Advertisement

چیئرمین سینیٹ صادق سنجرانی آج وزیراعظم عمران خان سےملاقات کریں گے

اسلام آباد : چیئرمین سینیٹ صادق سنجرانی آج وزیراعظم عمران خان سے ملاقات کریں گے اور حمایت اور تعاون پر شکریہ ادا کریں گے۔

تفصیلات کے مطابق چیئرمین سینیٹ صادق سنجرانی آج وزیراعظم عمران خان سے ملاقات کریں گے، ملاقات ساڑھے3بجےوزیراعظم ہاؤس میں ہوگی۔

ذرائع کا کہنا ہے کہ چیئرمین سینیٹ حمایت اورتعاون پروزیراعظم کاشکریہ اداکریں گے ، ملاقات میں تحریک عدم اعتمادکی ناکامی پربات چیت ہوگی اور ایوان بالاکےاموربھی زیربحث آئیں گے۔

ذرائع کے مطابق چیئرمین سینیٹ کل صدرسےبھی ملاقات کریں گے۔

گذشتہ روز وزیراعظم عمران خان نے چیئرمین سینیٹ صادق سنجرانی کو ٹیلی فون کرکے تحریک عدم اعتماد کی ناکامی پر مبارک باد دیتے ہوئے کہا تھا سینیٹرز نے آپ پراعتماد کا اظہار کیا تھا۔

مزید پڑھیں : سینیٹرز نے آپ پر اعتماد کا اظہارکیا”: وزیراعظم کا چیئرمین سینیٹ کو ٹیلی فون

چیئرمین سینیٹ صادق سنجرانی نے وزیر اعظم عمران‌ خان کا شکریہ ادا کیا تھا۔

یاد رہے چیئرمین سینیٹ صادق سنجرانی کے خلاف اپوزیشن کی تحریک عدم اعتماد ناکام ہوگئی ہے ، جس کے ساتھ ہی وہ چیئرمین سینیٹ کے عہدے پر برقرار رہے ، قرارداد پر ووٹنگ کے دور ان میر حاصل بزنجو نے 50اور صادق سنجرانی نے 45ووٹ حاصل کئے ، پانچ ووٹ مسترد ہوئے تھے۔

چیئرمین سینیٹ کے خلاف تحریک عدم اعتماد کی ناکامی کے بعد حکومتی اراکین نے ڈیسک بجا کر ایک دوسرے کو مبارکباد دی اور حکومتی اراکین کی جانب سے ایک سنجرانی سب پر بھاری کے نعرے لگائے گئے۔

اجلاس کےآغازپرقائد حزبِ اختلاف راجہ ظفر الحق نےتحریکِ پیش کی تواپوزیشن کے64 ارکان نےکھڑے ہو کرحمایت کی تھی، خفیہ رائے شماری ہوئی تو اپوزیشن درکار 53 ووٹ بھی حاصل نہ کرسکے

Comments

comments

یہ بھی پڑھیں