The news is by your side.

Advertisement

میرا کردار بتائے گا میں سیاسی ہوں یا نہیں‘ چیئرمین سینیٹ

کوئٹہ : چیئرمین سینیٹ صادق سنجرانی کا کہنا ہے کہ میاں صاحب بڑ ے ہیں جو کہتے ہیں کہیں، مجھے اسٹیبلشمنٹ کی طرف سے منتخب کرانے کے الزامات میں صداقت نہیں ہے۔

تفصیلات کے مطابق کوئٹہ میں چیئرمین سینیٹ صادق سنجرانی نے اپنی رہائش گاہ پرمیڈیا سے گفتگو کرتے ہوئے کہا کہ وزیراعلیٰ بلوچستان کی قیادت میں ہم نے بھرپورمحنت کی۔

انہوں نے بطور چیئرمین سینیٹ انتخابات میں پیپلزپارٹی اور پاکستان تحریک انصاف سمیت دیگرحمایت کرنے والوں کا ایک بار پھر شکریہ ادا کرتے ہوئے کہا کہ رضاربانی کے دورکی طرح نظام چلے گا، مزید بہتری کی کوشش ہوگی۔

صادق سنجرانی نے کہا کہ مجھے اسٹیبلشمنٹ کی طرف سے منتخب کرانے کے الزامات میں صداقت نہیں ہے، اسٹیبلشمنٹ اور کسی پرالزام لگانے والے سیاست کررہے ہیں۔

چیئرمین سینیٹ نے کہا کہ وہ بلوچستان کے مفادات کے تحفظ اور محرومیوں کے خاتمے کے لیے قانون سازی کریں گے اور پہلے سے موجود قوانین پرعملدرآمد کراوائیں گے۔

صادق سنجرانی نے کہا کہ عام انتخابات کی حکمت عملی حالات کی مناسبت سے طے کریں گے، انہوں نے کہا کہ مجھے لگتا ہے بلوچستان میں ہمارا گروپ جیتےگا۔

چیئرمین سینیٹ نے سابق وزیراعظم نوازشریف سے متعلق کہا کہ میاں صاحب ہمارے بزرگ ہیں، میرے لیے ساری سیاسی جماعتیں برابرہیں، میرا کردار ثابت کرے گا۔


سنجرانی، زرداری ملاقات: جمہوریت کے لیے ساتھ چلنے کا عزم


خیال رہے کہ گزشتہ روز چیئرمین سینیٹ صادق سنجرانی نے پیپلزپارٹی کے شریک چیئرمین آصف زرداری سے ملاقات کی تھی، جس میں‌ مستقبل میں‌ بھی فروغ جمہوریت کے لیے ساتھ چلنے کا عزم کیا گیا تھا۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پرشیئر کریں۔

Comments

comments

یہ بھی پڑھیں