ماضی میں آمروں نے آئین کو پیروں تلے روندا، رضا ربانی -
The news is by your side.

Advertisement

ماضی میں آمروں نے آئین کو پیروں تلے روندا، رضا ربانی

پشاور: خیبرپختونخواہ کے صوبائی دارالحکومت پشاورمیں مفتی محمود سیمینار سے خطاب کرتے ہوئے چیرمین سینیٹ رضا ربانی نے کہا ہے کہ ماضی میں آمروں نے آئین کو پیروں تلے روندا۔

ان کا کہنا تھا کہ آمریت کے دور میں جمہوری اداروں کو ایک دوسرے سے لڑایا گیا چاہتے ہیں کہ اداروں کے درمیان روابط بڑھیں، آپس میں مل کر بیٹھیں، کوئی درمیان کا راستہ ضرور نکلے گا کیونکہ درمیانی راستہ ہی قوم کی بھلائی کا راستہ ہے۔

چیئرمین سینٹ کا کہنا تھا کہ آئین کو اصل شکل میں لانے کے لئے تمام سیاستی جماعتوں نے کردار ادا کیا، آج اس ملک کو دوبارہ اسی سوچ کی ضرورت ہے، وفاق کی مضبوطی کےلیے تمام سیاسی قوتیں اختلافات بھلادیں،جمہوریت ہی پاکستان کی مضبوطی کاواحد راستہ ہے۔

اس سے قبل سرگودھا میں میڈیا سے بات کرتے ہوئے رضا ربانی نے کہا کہ بھارت میں اقلیتوں پرمظالم کے خلاف مغرب کی خاموشی افسوس ناک ہے۔
انہوں نے یہ بھی کہا کہ بھارت کسی غلط فہمی میں نہ رہے، ملک کی طرف میلی آنکھ سے دیکھنے والوں کو منہ توڑ جواب دیں گے۔

Comments

comments

یہ بھی پڑھیں