site
stats
پاکستان

وزراء کی غیر حاضری پر چیئرمین سینیٹ برہم

اسلام آباد: ایوانِ بالا کے اجلاسوں میں وزراء کی مسلسل غیر حاضری پر چیئرمین سینیٹ رضا ربانی نے برہمی کا اظہار کرتے ہوئے کہا ہے کہ میرے صبر کا پیمانہ لبریز ہوگیا تو کوئی شکایت نہ کرے، اگر حکومت نے سنجیدگی نہ دکھائی تو ایکشن لینے پر مجبور ہوں گا۔

تفصیلات کے مطابق سینیٹ کا اجلاس رضا ربانی کی زیر صدارت ہوا، وزراء اور اراکین کی غیر حاضری پر چیئرمین سینیٹ نے برہمی کا اظہار کرتے ہوئے کہا کہ وزراء کا غیر سنجیدہ رویہ ناقابل برداشت ہے، ان وجوہات کی وجہ سے پارلیمنٹ کمزور ہوتی ہے۔

انہوں نے کہا کہ وزاتِ داخلہ سے متعلق 31 سوالات کا جواب آج سینیٹ میں دینا تھا مگر وزیر موجود نہیں، متعلقہ وزیر کی غیر موجودگی میں وزیر مملکت بھی غیر حاضر ہیں جو بہت ہی نامناسب بات ہے۔

رضا ربانی نے کہا کہ تین روز قبل خاتون رکن نے سینیٹ میں غیر مناسب رویہ اختیار کیا جس پر ایکشن لے سکتا تھا مگر نہیں لیا، حکومت نے غیرسنجیدہ رویوں پر ایکشن نہ لیا تو خود کوئی اقدام کرنے پر مجبور ہوں گا۔

چیئرمین سینیٹ نے مزید کہا کہ وزیروں کو بتا دیں کہ غیر حاضری اور ایوان کے تقدس کا خیال رکھیں اگر یہ رویہ ترک نہ کیا گیا تو میرے صبر کا پیمانہ لبریز ہوجائے گا اور پھر وہ کسی بڑے ایکشن کی صورت میں سامنے آئے گا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top