چمن : عیدگاہ قدیمی مسجد میں دھماکے کے نتیجے میں دس افراد زخمی ہوگئے، ابتدائی اطلاعات کے مطابق، دھماکا نماز مغرب کے دوران ہوا، نوعیت کا تعین کیا جارہا ہے۔
تفصیلات کے مطابق چمن میں تاج روڈ پر واقع قدیمی مسجد میں نماز مغرب کے دوران زوردار دھماکہ ہوا جس کے نتیجے میں دس افراد زخمی ہوگئے، اطلاع ملتے ہی پولیس اور امدادی ٹیمیں جائے وقوعہ پر پہنچ گئیںاور زخمیوں کو اسپتال منتقل کیا گیا۔
متعدد زخمیوں کی حالت تشویشناک بتائی جارہی ہے، قانون نافذ کرنے والے اداروں نے جائے وقوعہ کو گھیرے میں لے لیا، دھماکے سے متعدد گاڑیوں کے شیشے ٹوٹ گئے جبکہ قریبی دکانوں میں آگ بھی لگ گئی، دھماکے کی نوعیت کا تعین کیا جارہا ہے۔
وزیراعلیٰ بلوچستان جام کمال نے چمن میں دھماکے پر اپنے گہرے اور افسوس کا اظہار کیا ہے، وزیر اعلیٰ بلوچستان نے انتظامیہ کو ہدایت جاری کی ہے کہ زخمیوں کو علاج کی بہترین سہولتیں فراہم کی جائیں۔
اس کے علاوہ ن لیگ کی ترجمان مریم اورنگزیب نے واقعے کی شدید الفاظ میں مذمت کرتے ہوئے کہا ہے کہ دہشت گرد پاکستانیوں کو خوفزدہ نہیں کرسکتے۔
