site
stats
پاکستان

چمن :سیکورٹی فورسز کی گاڑی کے قریب دھماکا،شہری جاں بحق

چمن: پاک افغان سرحد کے قریب سیکورٹی فورسز کی گاڑی کے قریب دھماکے کے نتیجے میں ایک شہری جاں بحق جبکہ دو سیکورٹی اہلکاروں سمیت تین افراد زخمی ہوئے۔

تفصیلات کے مطابق چمن میں بوغرہ روڈ کے قریب سیکورٹی فورسز کی گاڑی کے قریب دھماکہ ہوا، جس کے نتیجے میں ایک شہری جاں بحق جبکہ 2 اہلکار زخمی ہوگئے، دھماکا اس قدر شدید تھا کہ دور دور تک اس کی آواز سنی گئی۔

دھماکے کے فوری بعد ریسکیو ٹیمیں اور قانون نافذ کرنے ادارے جائے وقوع پر پہنچ گئے اور علاقے کو گھیرے میں لے کر سرچ آپریشن شروع کردیا گیا ہے۔


مزید پڑھیں : چمن: بوغرہ چوک کے قریب دھماکہ


دھماکہ خیز مواد سڑک کنارے نصب کیا گیا تھا، دھماکے کے وقت سیکورٹی فورسز کی گاڑی وہاں سے گزر رہی تھی، دھماکے سے گاڑی کو نقصان پہنچا۔

یاد رہے کہ گذشتہ ماہ اکتوبر بھی چمن کے علاقے بوغرہ چوک میں دھماکہ ہوا تھا، جس میں لیویز اہلکار محفوظ رہے تھے، دھماکے میں لیویز کی گاڑی کو نشانہ بنایا گیا تھا۔

 

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top