The news is by your side.

Advertisement

چمن بارڈر ہفتے میں 2 دن کھولا جائے گا، وہاں سے پاکستانی آسکتے ہیں، معید یوسف

اسلام آباد: مشیر برائے قومی سلامتی معید یوسف کا کہنا ہے کہ چمن بارڈر ہفتے میں 2 دن کھولا جائے گا، وہاں سے پاکستانی آسکتے ہیں۔

تفصیلات کے مطابق مشیر برائے قومی سلامتی معید یوسف نے میڈیا سے گفتگو کرتے ہوئے کہا کہ احتیاطی تدابیر کے ساتھ پاکستانیوں کو افغانستان سے واپس لایا جارہا ہے، محدود تعداد میں لوگ واپس آرہے ہیں۔

معید یوسف نے کہا کہ بھارت کے ساتھ ہماری سرحد بند ہے، کچھ پاکستانی واپس آئے ہیں، بھارت میں جو باقی لوگ ہیں کوشش کررہے ہیں وہ بھی واپس آجائیں، بھارت نے خود لاک ڈاؤن کیا ہوا ہے اس لیے بھی مشکلات ہیں۔

انہوں نے کہا کہ پاکستان سے بیرون ملک جانے پر کسی شہری پر کوئی پابندی نہیں ہے۔

معید یوسف نے کہا ہے کہ 500 پاکستانی طورخم بارڈر اور 300 چمن بارڈر کے ذریعے لائے جائیں گے، 6 ہزار پاکستانیوں کو مختلف ممالک کے ذریعے اگلے ہفتے تک لانے کا فیصلہ کیا گیا ہے، یو اے ای میں بیروزگار پاکستانیوں کو واپس لانے کیلئے 16 فلائٹس آپریٹ کی جا رہی ہیں، ملیشیا، سنگا پور اور بحرین سے رہا ہونے والے قیدیوں کو بھی واپس لایا جائے گا۔

مشیر برائے قومی سلامتی کا کہنا ہے کہ ویب سائٹ پر بیرون ملک پاکستانیوں کو تمام معلومات مل جائیں گی، پالیسی کیا ہے اور کن پاکستانیوں کو واپس لایا جارہا ہے ویب سائٹ پر معلومات موجود ہیں۔

معید یوسف نے کہا کہ بیرون ملک پاکستانیوں کی واپسی پر قرنطینہ کا فیصلہ مشاورت سے کیا گیا، قرنطینہ سے متعلق کوئی تبدیلی نہیں ہوگی اس پر سب متفق ہیں۔

Comments

یہ بھی پڑھیں