The news is by your side.

Advertisement

چیمپیئنز ٹرافی ہاکی ٹورنامنٹ: بھارت نے پاکستان کو چار صفر سے شکست دیدی

ایمسٹرڈیم : بھارت نے پاکستان کے خلاف میچ 0-4 سے جیت لیا، بھارت نے آخری دس منٹ میں 3گول کیے، پاکستانی کھلاڑی ہر شعبے میں بری طرح ناکام رہے، ٹیم کی ناقص کارکردگی پر سابق اولیمپیئن برس پڑے۔

تفصیلات کے مطابق چیمپیئنز ٹرافی ہاکی ٹورنامنٹ کے اہم میچ میں بھارت نے پاکستان ٹیم کو چاروں شانے چت کردیا، ایمسٹرڈیم میں کھیلے گئے میچ میں پاکستان کا آغاز مایوس کن رہا۔

آخری چیمپئنز ٹرافی کے پہلے میچ میں پاکستان کو بدترین شکست کا سامنا کرنا پڑا، بھارت نے پاکستان کو چار گول سے ہرا دیا، پاکستان ٹیم ایک بھی گول کرنے میں ناکام رہی۔

پاکستان نے آخری 5منٹ میں اضافی کھلاڑی کے لیے گول کیپر کو بٹھادیا تھا، بھارتی ٹیم نے گول کیپر کے بغیر پاکستان کے خلاف دوگول کردیئے، بھارت نےآخری دس منٹ میں 3گول کیے، بھارت کی جانب سے پہلا گول رندیپ سنگھ نے کیا، دوسرا گول دلپریت جبکہ ہرمن اور لالت نے آخری دو گول کیے۔

دوسری جانب بھارت کے ہاتھوں ہاکی چیمپئنز ٹرافی میں پاکستان ہاکی ٹیم کی مایوس کن کارکردگی اور بدترین شکست پر سابق اولمپئنز جنید خواجہ برس پڑے۔

انہوں نے کہا کہ غیر ملکی کوچز لگانے کےنتائج سامنے آنے لگے ہیں، غیر ملکی کوچ کےباوجود ٹیم میں نمایاں تبدیلی نظر نہیں آئی، انہوں نے کہا کہ ہاکی فیڈریشن درست فیصلےکرنےمیں ناکام ہوگئی ہے، ایک ماہ ہالینڈ میں رہنے کے باوجود بھارت سے شکست پر دکھ ہوا، بھارت جیسی کمزور ٹیم سے پاکستان میچ جیت سکتا تھا۔


خبر کے بارے میں اپنی رائے کا اظہار کمنٹس میں کریں‘مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔ 

Print Friendly, PDF & Email

Comments

comments

یہ بھی پڑھیں