صحافی چاند نواب پر ریلوے پولیس اور افسران کا بہیمانہ تشدد -
The news is by your side.

Advertisement

صحافی چاند نواب پر ریلوے پولیس اور افسران کا بہیمانہ تشدد

کراچی : بھارتی فلم بجرنگی بھائی جان سے شہرت حاصل کرنے والے پاکستانی صحافی چاند نواب پرریلوے افسران نے لاتوں گھونسوں اور تھپڑوں کی بارش کردی۔

تفصیلات کے مطابق مقامی ٹی وی چینل سےوابستہ صحافی چاند نواب رپورٹنگ کے سلسلے میں ریلوے اسٹیشن پر اپنے فرائض انجام دے رہے تھے کہ کراچی کے کینٹ اسٹیشن کی ریلوے پولیس نے کوریج کے دوران سینئر صحافی چاندنواب کوبدترین تشدد کا نشانہ بنا ڈالا۔

chand-post

اطلاعات کے مطابق چاند نواب جب ریلوے اسٹیشن پہنچے تواسٹیشن پر موجود لوگوں نے چاند نواب کے سامنے ریلوے انتظامیہ کی نااہلی اور بلیک میلنگ کی شکایت کرنا شروع کردی۔

جس پر وہ لوگوں کے تاثرات ریکارڈ کرنے لگے تواسٹیشن ماسٹر اور ریلوے پولیس نے چاند نواب پر تشدد شروع کردیا،جس کی زد میں چاندنواب کے ساتھ موجود کیمرہ مین اور ڈی ایس این جی انجینئربھی آگئے۔

ذرائع کے مطابق ریلوے اسٹیشن پر چھ سو روپے کا ٹکٹ 24 سو روپے میں فروخت کیا جا رہا ہے، اس راز کے فاش ہونے پر چاند نواب اور ان کی ٹیم کو تشدد کا نشانہ بنایا گیا۔

چاند نواب اور ان کی ٹیم پر تشدد کی خبر کا صحافتی تنظیموں اور دیگر سماجی حلقوں نے فوری نوٹس لیتے ہوئے ذمہ داران کیخلاف سحت کارروائی کا مطالبہ کیا ہے۔

Chand Nawab from Azhar Khan on Vimeo.

Comments

comments

یہ بھی پڑھیں