مزارقائد پر46 سال بعد نصب کیے گئےنئے فانوس کا افتتاح -
The news is by your side.

Advertisement

مزارقائد پر46 سال بعد نصب کیے گئےنئے فانوس کا افتتاح

کراچی : صدرمملکت ممنون حسین نے مزارقائد پرنصب نئے فانوس کا افتتاح کردیا، پرانا فانوس خراب ہونے پر نیا فانوس بھی چین نے تحفے میں دیا ہے، فانوس کی تیاری میں ساڑھے8 کلو سونا استعمال کیا گیا، 26 میٹرلمبے فانوس کی تیاری میں 22 کروڑ روپے لاگت آئی ہے۔

تفصیلات کے مطابق پاک چین دوستی کی کوئی مثال نہیں، ہمیشہ پاکستان کا ساتھ دینے والے دوست ملک چین نے نئے فانوس کا تحفہ دے کرمزارقائد کی رونق بڑھا دی۔

post3

صدر مملکت ممنون حسین نے نئے فانوس کو روشن کرکے اس کا افتتاح کیا۔ کراچی میں مزار قائد پر فانوس روشن کرنے کی تقریب میں وزیر اعظم کے مشیرعرفان صدیقی، چینی سفیر، میئر کراچی وسیم اختر اعلیٰٰ حکومتی اور چینی سفارت خانے کے حکام اور دیگر شخصیات موجود تھیں۔

 نئے فانوس کی لمبائی چھبیس میٹراور وزن ایک اعشاریہ دو ٹن ہے، اس میں چار دائرے ہیں، پہلے دائرے میں 16، دوسرے میں 10، تیسرے میں8 اور چوتھے میں6 قمقمے نصب ہیں۔

فانوس کو اعلیٰ کوالٹی کے کرسٹل اور اس کی تیاری میں ساڑھے آٹھ کلو 24 قیراط کا سونا استعمال کیا گیا ہے، اس فانوس کو تیرہ چینی ماہرین نے چارماہ میں مکمل کیا ہے۔

post4

بابائے قوم قائد اعظم محمد علی جناح ؒ کی سالگرہ پردوست ملک چین کی جانب سے چھیالس سال بعد دوبارہ خوبصورت، دیدہ زیب اورقیمتی فانوس کا تحفہ مزار قائد پر نصب کیا گیا ہے، مزار قائد کیلئے پرانا فانوس بھی 46 سال قبل چین نے ہی تحفے میں دیا تھا، چین کی جانب سے انیسس سوسترمیں دیا گیا فانوس خراب ہوگیا تھا۔

یاد رہے کہ رواں سال جولائی میں قائداعظم محمد علی جناح کے مزار پر لگے فانوس کی مرمت کے لیے پاکستان اور چین کے درمیان ایک معاہدے پر دستخط ہوئے تھے۔

قومی تاریخ ثقافتی ورثے کے وزیراور وزیراعظم کے مشیرعرفان صدیقی اور چینی سفیر نے 13 صفحات کے معاہدے پر دستخط کیے۔

post1

خیال رہے کہ مزار قائد کیلئے1970ء میں چین کی جانب سے انتہائی دیدہ زیب فانوس تحفے کے طور پر فراہم کیا گیا تھا۔ مزارقائد پرحاضری کے لئے آنے والے عوام چین کے نادر تحفے کا نظارہ کرتے رہیں گے۔

Comments

comments

یہ بھی پڑھیں