دنیا بھر میں مقبول ترین میسیجنگ ایپلیکیشن واٹس ایپ کے فون کالز میں زبردست تبدیلی لائی گئی ہے۔
یہ ایک ایسی تبدیلی ہے جو صارفین بلاشبہ بہت زیادہ پسند کریں گے، اور اس سے انھیں زیادہ سہولت میسر آئے گی، یہ تبدیلی ایک نئے اور مفید فیچر کی صورت میں ہے۔
ویب سائٹ ویب بیٹا انفو کے مطابق ایپلیکیشن واٹس ایپ نے آئی او ایس بیٹا ورژن استعمال کرنے والے صارفین کے لیے کال کرنے اور موصول ہونے پر نیا انٹرفیس متعارف کروایا ہے۔
اس ویب سائٹ کی جانب سے شیئر کردہ اسکرین شاٹ سے معلوم ہوتا ہے کہ نیا انٹرفیس ایپل کی انٹرفیس ایپ سے مماثلت رکھتا ہے، اس انٹرفیس کے تحت اب صارف بہ آسانی کال کے دوران آپشنز ڈھونڈ سکے گا، اس کے علاوہ اسکرین کے نیچے رِنگ کا آپشن بھی موجود ہوگا۔
یہ نئی اپ ڈیٹ واٹس صارفین کے لیے مزید سہولت بھی لائی ہے، اگر آپ سے گروپ کالز مس ہو چکی ہیں تو آپ ان کے ساتھ دوبارہ شامل ہو سکیں گے۔
واٹس ایپ کال پر انٹرنیٹ ڈیٹا بچانے کا طریقہ
تاہم فی الحال یہ فیچر آئی او ایس بیٹا ورژن کے صارفین کے لیے متعارف کرایا گیا ہے، امید ہے کہ جلد ہی اس تبدیلی سے اینڈرائیڈ کے صارفین بھی مستفید ہو سکیں گے۔