The news is by your side.

Advertisement

یوم‌ِ پاکستان پر مزار اقبال پر گارڈز کی تبدیلی کی پُروقار تقریب

لاہور: یوم پاکستان کے سلسلے میں مزار اقبال پر گارڈز کی تبدیلی کی پُروقار تقریب ہوئی، جس میں پاک فضائیہ کے دستے نے رینجرز کی جگہ اعزازی گارڈز کے فرائض سنبھال لیے۔

تفصیلات کے مطابق ملک بھر میں آج یوم پاکستان ملی جوش وجذبے کے ساتھ منایا جا رہا ہے یوم پاکستان کے موقع پر گارڈز کی تبدیلی کی پُروقار تقریب ہوئی۔

تقریب میں ایئر وائس مارشل زبیر حسن خان کی بطورمہمان خصوصی شرکت کی ، پاک فضائیہ کے دستے نے رینجرز کی جگہ اعزازی گارڈز کے فرائض سنبھال لیے۔

اس موقع پر مہمان خصوصی یئر وائس مارشل زبیر حسن خان مزار اقبال پر پھولوں کی چادر چڑھائی ، فاتحہ خوانی کی اور مہمانوں کی کتاب میں اپنے تاثرات قلم بند کیے۔

واضح رہے کہ ملک بھرمیں یوم پاکستان ملی جوش و جذبے سے منایا جا رہا ہے، اسلام آباد میں دن کا آغاز اکتیس اور صوبائی دارالحکومتوں میں اکیس، اکیس توپوں کی سلامی سے ہوا۔

توپوں کی سلامی کے موقع پر پاک فوج کے جوانوں کی جانب سے ’نعرہ تکبیر‘ اور ’پاکستان زندہ باد‘ کے فلک شگاف نعرے لگائے گئے۔

Comments

یہ بھی پڑھیں