changez چین : چنگیزخان کی تصویرپیروں تلے روندنے پرنوجوان کو قید کی سزا
The news is by your side.

Advertisement

چین : چنگیزخان کی تصویرپیروں تلے روندنے پرنوجوان کو قید کی سزا

منگولیا : چین کی ایک عدالت نے تاریخ کے سفاک ترین حکمران چنگیز خان کی تصویر کو پیروں تلے روندنے کے جرم میں ایک چینی باشندے کو ایک سال قید کی سزا سنا دی، انیس سالہ نوجوان نے تصویر کچلنے کی ویڈیو سوشل میڈیا پر شیئر کی تھی۔

تفصیلات کے مطابق دنیا کے تقریباً چار کروڑ انسانوں کو موت کے گھاٹ اتارنے والے سفاک منگول حکمران چنگیز خان کی تصویر کو روندنے کے الزام میں19سالہ نوجوان لؤو کو عدالت نے ایک سال قید کی سزا سنا دی ملزم کو یہ سزا نسلی منافرت پھیلانے کا مرتکب پائے جانے پر سنائی گئی۔

برطانوی نشریاتی ادارے بی بی سی کے مطابق چین کے خود مختارعلاقے منگولیا کی ایک عدالت کو بتایا گیا کہ لوؤ نامی شخص نے چنگیز خان کی تصویر کو روندنے ہوئے ویڈیو بنائی تھی جسے سوشل میڈیا پر بھی جاری کیا گیا۔

ویڈیو کلپ دیکھنے کے بعد منگول قبیلے کے افراد میں بے چینی اور اضطراب پایا جاتا ہے اور اس کے خلاف شدید رد عمل بھی سامنےآیا جس پر عدالت نے ملزم کو نسلی منافرت پھیلانے اور نسلی تعصبات کو ہوا دینے کا مجرم قرار دیا۔

لوؤ نے سماعت کے دوران لوگوں کے جذبات مجروح ہونے پر ان سے معافی بھی مانگی۔ بعد ازاں حکام نے اس ویڈیو کو سائٹ سے ہٹا دیا۔ خیال رہے کہ منگول قبیلے میں چنگیز خان کو عزت و احترام کی نظر سے دیکھا جاتا ہے۔


مزید پڑھیں: منگول سلطنت کے بانی چنگیزخان کا مقبرہ دریافت


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر ضرور شیئر کریں۔

Comments

comments

یہ بھی پڑھیں