یوں تو برگر بچوں اور بڑوں سب ہی کو پسند ہے، برگر میں کچھ مخصوص اشیا ہی شامل کی جاتی ہیں تاہم آج ہم آپ کو ایک منفرد قسم کا برگر بنانے کی ترکیب بتا رہے ہیں۔
اس برگر میں پشاوری چپلی کباب شامل ہوگا جو نہایت مزیدار اور منفرد ذائقے کا حامل ہوتا ہے۔
اجزا
قیمہ: آدھا کلو
مکئی کا آٹا: آدھا کپ
کٹی لال مرچ: 1 کھانے کا چمچ
بھنا اور کٹا ہوا ثابت دھنیہ: 1 کھانے کا چمچ
بھنا کٹا سفید زیرہ: 1 کھانے کا چمچ
مایونیز: 4 کھانے کے چمچ
سلاد پتہ: حسب ضرورت
ہرا دھنیہ: حسب ضرورت
پودینہ: حسب ضرورت
مکھن: حسب ضرورت
نمک: حسب ذوق
ہری مرچ: 8 سے 10 عدد
پیاز: 1 عدد
ٹماٹر: 2 عدد
انڈے: 2 عدد
برگر بن: 4 عدد
فرنچ فرائز: 1 پیکٹ
ترکیب
سب سے پہلے قیمے میں کٹی پیاز، ہری مرچ، مکئی کا آٹا، دھنیہ، پودینہ اور تمام سوکھے مصالحے ملا کر انڈے شامل کر کے میری نیٹ کریں۔
اب اس مکسچر کے برگر کباب بنا کر شیلو فرائی کرلیں۔
پیاز، ٹماٹر، ہرا دھنیہ اور ہری مرچوں کو باریک کاٹیں۔
پھر اس میں نمک ڈال کر کچومر تیار کریں۔
بن کو آدھا کر کے مکھن لگا کر سینک لیں، اوپر مایونیز لگائیں۔
سلاد پتہ، کچومر اور چپلی کباب رکھیں۔ دوبارہ مایونیز لگائیں اور دوسرے بن سے کور کرلیں۔
گرما گرم مزیدار برگر فرنچ فرائز کے ساتھ سرو کریں۔
