چارسدہ : اخون ڈھیری کے قریب پولیس وین کے قریب خودکش دھماکے کے نتیجے میں کوئی جانی نقصان نہیں ہوا اور اہلکار محفوظ رہے۔
تفصیلات کے مطابق چارسدہ میں اخون ڈھیری کے قریب پولیس وین کے قریب خودکش دھماکا ہوا، پولیس حکام نے بتایا کہ دھماکے سے پولیس اہلکاروں سمیت پولیس وین محفوظ رہی۔
دھماکے کی آواز دور دور تک سنی گئی، رش نہ ہونے کے باعث دھماکے سے کوئی جانی نقصان نہیں ہوا.
حکام نے بتایا کہ حملہ آور نے پولیس وین گزرنے کے بعد خود کو دھماکے سے اڑا لیا، دھماکے کے مقام سے تباہ موٹر سائیکل اور انسانی اعضاء ملے ہیں تاہم دھماکا خودکش تھا یا کچھ اور تحقیقات جاری ہیں۔
واضح رہے کہ گذشتہ ہفتے پاکستان کے صوبہ بلوچستان کے شہر کوئٹہ میں ریلوے اسٹیشن پر ہونے ہولناک دھماکے میں 26 افراد جاں بحق ہوئے،جب کہ 60 سے زائد افراد زخمی ہوئے، کالعدم بلوچ علیحدگی پسند تنظیم بلوچستان لبریشن آرمی (بی ایل اے نے) نے دعویٰ کیا تھا کہ ریلوے اسٹیشن پر ان کے خودکش بمبار نے دھماکا کیا۔
