پشاور : خیبرپختوانخوا کےشہرچارسدہ میں سی ٹی ڈی نےکارروائی کےدوران ایک دہشت گردکوگرفتار کرکے بارودی مودابرآمد کرلیا۔
تفصیلات کےمطابق چارسدہ میں انسداد دہشت گردی کی پولیس نے دہشت گردی کا منصوبہ ناکام بناتےہوئے دہشت گرد کو گرفتار کرلیا۔
سی ٹی ڈی حکام کے مطابق یاسر نامی دہشت گرد سے 3کلوبارودی مواد سمیت ڈیٹونیٹرزبرآمد ہوئے ہیں۔
خیال رہےکہ آج صبح چارسدہ کی تحصیل شبقدرمیں سیکورٹی فورسز نے ایف سینٹر پر دہشت گردوں کاحملہ پسپا کرتے ہوئے 2خودکش حملہ آوروں کو موت کے گھاٹ اتار دیا۔
مزید پڑھیں: شبقدر میں ایف سی سینٹرپردہشتگردوں کاحملہ ناکام ‘2خودکش بمبارہلاک
ڈی پی او سہیل خالدکے مطابق دہشت گردوں کےساتھ فائرنگ کے تبادلے میں ایک اہلکار شہیدجبکہ 2 زخمی ہوگئے ہیں جنہیں طبی امداد کے لیے اسپتال منتقل کردیاگیا۔
یاد رہےکہ گزشتہ دنوں خیبرپختونخواہ کےعلاقےشبقدر میں نامعلوم افراد کی فائرنگ سے بار ایسوسی ایشن کے سابق صدر محمد جان ایڈوکیٹ جاں بحق جبکہ بھانجا زخمی ہوگیاتھا۔
شبقدر میں واقعے کی اطلاع ملتے ہی سیکیورٹی اہلکاروں نے علاقے کو گھیرے میں لے لیاتھا۔
مزید پڑھیں:چارسدہ دھماکے: 7 افراد شہید،13زخمی، 3 خودکش حملہ آور ہلاک
واضح رہےکہ گزشتہ ماہ یاد رہےکہ گزشتہ ماہ صوبہ خیبرپختونخواہ کے ضلع چارسدہ کے علاقے تنگی میں کچہری گیٹ کے قریب 2 دھماکے ہوئےتھےجس کے نتیجے میں 3 دہشت گرد ہلاک اور 7 افراد جاں بحق ہوئےتھے۔
