منگل, فروری 18, 2025
اشتہار

شاہ رخ خان کی چیٹ لیک ہونے پر کیا ہوا؟

اشتہار

حیرت انگیز

ممبئی: بالی ووڈ سپر اسٹار شاہ رخ خان کی چیٹ لیک کرنے پر نارکوٹکس اہلکار پر عدالت نے سخت برہمی کا اظہار کیا۔

بھارتی میڈیا رپورٹس کے مطابق شاہ رخ خان کے ساتھ ہونے والی چیٹ کو لیک کرنے پر ممبئی ہائی کورٹ نے نارکوٹکس کنٹرول بیورو (این سی بی) کے سابق ریجنل ڈائریکٹر سمیر وانکھیڑے کی سخت سرزنش کی۔

عدالت نے سمیر وانکھیڑے کو ہدایت کی ہے کہ وہ مستقبل میں پھر ایسی کوئی حرکت نہ کریں۔ سی بی آئی نے ہائی کورٹ کو بتایا کہ وانکھیڑے نے خود کو بے قصور ثابت کرنے کے لیے شاہ رخ خان کے ساتھ ہونے والی گفتگو لیک کی۔

دوسری طرف عدالت نے شاہ رخ خان سے 25 کروڑ روپے کی رشوت مانگنے کے ملزم سمیر وانکھیڑے کی عارضی ضمانت میں 8 جون تک توسیع کر دی ہے۔

آریان خان منشیات کیس: شاہ رخ خان اور سمیر وانکھیڑے کی واٹس ایپ چیٹ لیک

وانکھیڑے پر الزام ہے کہ انھوں نے شاہ رخ کے بیٹے آرین خان کو کروز کارڈیلیا معاملے میں چھوڑنے کے لیے اداکار سے رشوت مانگی تھی۔ اس سے قبل عدالت نے سی بی آئی سے کہا تھا کہ وہ وانکھیڑے کو 22 مئی تک گرفتار نہ کرے۔

عدالتی بنچ نے وانکھیڑے کو ایک حلف نامہ دینے کی بھی ہدایت کی ہے کہ وہ اس کیس کے بارے میں میڈیا سے بات نہیں کریں گے، اور بلائے جانے پر سی بی آئی کے سامنے ہر بار پیش ہوں گے اور ثبوتوں کے ساتھ چھیڑ چھاڑ نہیں کریں گے۔

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں