The news is by your side.

Advertisement

افتخار محمد چوہدری نے اپنی نئی سیاسی پارٹی بنالی

اسلام آباد : سابق چیف جسٹس افتخار محمد چوہدری نے اپنی نئی پارٹی بنانے کا اعلان کردیا۔

تفصیلات کے مطابق سپریم کورٹ کے سابق چیف جسٹس آف پاکستان افتخار محمد چوہدری نے پاکستان جسٹس اینڈ ڈیمو کریٹک پارٹی (پی جے ڈی سی پی) کے نام سے اپنی پارٹی کے قیام کا اعلان کردیا ہے۔

پارٹی کے آغاز کی تقریب سے خطاب کرتے ہوئے افتخار محمد چوہدری نے کہا کہ ان کی جماعت میں صرف کرپشن سے پاک لوگوں کو خوش آمدید کہا جائے گا، جبکہ ان کی جماعت کا مقصد عوام کے مسائل حل کرنا ہوگا۔ جبکہ عام آدمی کو انصاف دلانا ان کی جماعت کا بنیادی منشور ہوگا۔

انہوں نے کہا کہ ہمارا سیاسی نظام ایسا ہے کہ سب ایک دوسرے کے ساتھ مک مکا کرتے ہیں، میرا اشارہ کسی خاص جماعت کی طرف نہیں، جسٹس(ر) افتخار محمد چوہدری کا کہنا تھا کہ وکلاءاور سیاستدان میرے ساتھ ہیں مشاورت کے بعد سیاسی پارٹی بنانے کا فیصلہ کیا۔

انہوں نے بتایا کہ سابق وزیر اعظم یوسف رضا گیلانی کے ساتھ میرے ذاتی تعلقات تھے مگر اس کے باوجود ان کے خلاف بے رحمانہ کاررروائی کی۔

انہوں نے کہا کہ اپنی ریٹائرمنٹ کے بعد اپنی سیاسی پارٹی بنانے کا اعلان کر سکتا تھا، لیکن ریٹائرمنٹ کے 2 سال بعد تک الیکشن میں حصہ نہیں لے سکتا تھا۔

Print Friendly, PDF & Email

Comments

comments

یہ بھی پڑھیں