خطرہ سرحدوں کے ساتھ اندر چھپے دشمن سے بھی ہے، چوہدری نثار -
The news is by your side.

Advertisement

خطرہ سرحدوں کے ساتھ اندر چھپے دشمن سے بھی ہے، چوہدری نثار

کھاریاں : وفاقی وزیرداخلہ چوہدری نثار کا کہنا ہے کہ خطرہ سرحدوں کے ساتھ اندر چھپے دشمن سے بھی ہے، دشمن سامنے نہیں آسکتا، وہ چھپ کروار کرتا ہے، فوج کی قربانیوں سے قائم ہونے والا امن دنیا کے لیے مثال ہے۔

وفاقی وزیرداخلہ چوہدری نثار نے نیشنل کاؤنٹرٹیررازم ٹریننگ سینٹر پبی کھاریاں کے دورے کے دوران کورس مکمل کرنیوالے اہلکاروں کی گریجویشن تقریب میں شرکت کی، اس موقع پر چوہدری نثار نے ٹریننگ مکمل کرنے والے جوانوں کی عملی مشق کا معائنہ کیا۔

وزیر داخلہ کو نیشنل کاؤنٹر ٹیرر ازم ٹریننگ سینٹر پر تفصیلی بریفنگ دی گئی۔

وفاقی وزیرداخلہ نے تقریب سےخطاب کرتے ہوئے کہا کہ جنگیں محض ہتھیاروں سے ہی نہیں لڑی جاتیں، جنگوں کیلئے جذبہ ایمانی درکار ہوتا ہے، ہماری افواج اور قانون نافذ کرنیوالے اداروں میں جذبہ ایمانی ہے۔

چوہدری نثار نے کہا کہ خطرہ سرحدوں کے ساتھ اندر چھپے دشمن سے بھی ہے، دشمن سامنے نہیں آسکتا وہ چھپ کر وار کرتا ہے، دشمن کی کوئی اقدار نہیں کوئی اصول نہیں، وہ اسلام کو بدنام کرتا ہے۔

انکا مزید کہنا تھا کہ ڈر پوک دشمن پاکستان کے دشمنوں کے ہاتھوں میں کھیل رہا ہے۔

Comments

comments

یہ بھی پڑھیں