The news is by your side.

Advertisement

پاکستان کیخلاف برطانوی سرزمین کا استعمال قابلِ مذمت ہے،چوہدری نثار

اسلام آباد : گذشتہ روز متحدہ کے قائد کی برطانیہ سے اشتعال انگیزتقاریر اور اس کے بعد مشتعل کارکنان کی ہنگامہ آرائی اور توڑپھوڑ پر وفاقی وزیرداخلہ چوہدری نثار نے برطانیہ کے اعلی حکام سے رابطہ کیا، چوہدری نثار نے کہا کہ ملک کیخلاف برطانوی سرزمین کا استعمال قابلِ مذمت ہے۔،

تفصیلات کے مطابق متحدہ کے قائد کی اشتعال انگیز تقریر اور اس کے بعد ہونے والی ہنگامہ آرائی کا نوٹس لیتے ہوئے وفاقی وزیر داخلہ چوہدری نثار نے رات گئے برطانیہ کے اعلی حکام سے رابطہ کیا اور پاکستان مخالف تقریر اور ہجوم کو ہنگامہ آرائی پر اکسانے کے حوالے سے تبادلہ خیال کیا۔

وفاقی وزیر داخلہ نے کہا کسی شخص ک برطانوی سرزمین استعمال کرتے ہوئے پاکستان کی سالمیت اور امن کے خلاف اقدام انتہائی قابل مذمت ہے۔

انہوں نے کہا کہ پاکستان اور پاکستانی اداروں کے خلاف ہرزہ سرائی کرکے متحدہ قائد نے پوری قوم خصوصاً اردو بولنے والوں کی دل آزاری اور ہتک کی اور ساتھ ہی سنگین جرم کا ارتکاب بھی کیا ہے۔

چوہدری نثار نے مطالبہ کیا کہ حکومت برطانیہ سنگین جرم میں ملوث شخص کو قانون کے دائرے میں لانے کے لئے معاونت کرے۔


 

مزید پڑھیں :  کراچی: ایم کیو ایم کارکنان کا اے آر وائی نیوز کے دفتر پر حملہ


 

یاد رہے گذشتہ روز ایم کیو ایم قائد کی اشتعال انگیز تقریر کے بعد ایم کیو ایم کے مسلح افراد نے اے آر وائی نیوز پر حملہ کردیا تھا، دفتر میں توڑ پھوڑ کے واقعات اور فائرنگ سے ایک شخص ہلاک اور کئی زخمی ہوگئے تھے۔

Print Friendly, PDF & Email

Comments

comments

یہ بھی پڑھیں