The news is by your side.

Advertisement

نوازشریف سے پارٹی ٹکٹ آخر مانگا کب ہے؟نہ پہلے ٹکٹ کیلئے درخواست دی نہ آئندہ دوں گا،چوہدری نثار

لاہور : سابق وزیر داخلہ چوہدری نثار کا کہنا ہے کہ نوازشریف سے پارٹی ٹکٹ آخر مانگا کس نے ہے؟ بیانات سے لگتاہے ملک کا بڑامسئلہ مجھےٹکٹ دینایانہ دینا ہے، نہ پہلے ٹکٹ کیلئے درخواست دی نہ آئندہ دوں گا۔

تفصیلات کے مطابق سابق وزیر داخلہ چوہدری نثار نے سابق وزیر اعظم کی بیٹی مریم نواز کے بیان پر شدید رد عمل کا اظہار کرتے ہوئے کہا کہ نوازشریف سے پارٹی ٹکٹ آخر مانگا کس نے ہے؟ ر دوسرےدن مجھے ٹکٹ دینے یا نہ دینے کا بیان داغ دیا جاتا ہے۔

چوہدری نثار کا کہنا تھا کہ بیانات سے لگتا ہے ملک کا بڑا مسئلہ مجھے ٹکٹ دینا یا نہ دینا ہے، میں نے اپنی سیاسی زندگی میں نہ پہلے کبھی ٹکٹ مانگا اور نہ ہی آئندہ کبھی ٹکٹ کیلئے درخواست دوں گا۔

سابق وزیرداخلہ نے کہا کہ ٹکٹ دینے یا نہ دینے کا سوال تب پیدا ہوتا ہے، جب ٹکٹ کا طلب گار ہو۔

ان کا مزید کہنا تھا کہ میری طاقت اللہ پر ایمان اور حلقہ کی عوام کا اعتماد ہے، انیس سو پچاسی سے جو میرے ساتھ ہے، آئندہ بھی میرے ساتھ رہے گا۔

چوہدری نثار نے کہا کہ اللہ تعالی ایساوقت نہ لائےکہ میں کسی کےٹکٹ کامحتاج ہوں۔


مزید پڑھیں : اگر مریم نواز پارٹی لیڈر بنیں، تو ن لیگ سے الگ ہوجاؤں گا: چوہدری نثار


یاد رہے کہ ایون فیلڈ ریفرنس کی سماعت کے بعد صحافی نے مریم نواز سے سوال کیا کہ میاں صاحب چودھری نثار کو ٹکٹ دے رہے ہیں؟ اس کے جواب میں مریم نواز کا کہنا تھا کہ یہ میرے اختیار میں نہیں، تمام جیتنے والے امیدواروں کی پہلی ترجیح ن لیگ ہے۔

واضح رہے کہ نواز شریف اور چوہدری نثار کے درمیان اختلافات شدت اختیار کر چکے ہیں، گذشتہ دنوں سابق وزیر داخلہ نے پریس کانفرنس کرتے ہوئے اعلان کیا تھا کہ وہ شہباز شریف کو پارٹی لیڈر مانتے ہیں، اگر مریم نواز پارٹی لیڈر بنیں، تو وہ ن لیگ سے الگ ہوجائیں گے۔

چوہدری نثار کا کہنا تھا کہ مریم نواز کی تندو تیز زبان پارٹی کو بند گلی میں لے جارہی ہے. لطیفے، طنزیہ جملوں سے میری ذات کو مسلسل نشانہ بنایا گیا۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں

Comments

comments

یہ بھی پڑھیں