The news is by your side.

چوہدری شجاعت کا اپنے بھائی کے الزامات پر ردعل سامنے آگیا، کیا کہا؟

لاہور: پاکستان مسلم لیگ ق کے صدر چوہدری شجاعت حسین نے اپنے بھائی چوہدری وجاہت کے الزامات کو انتہائی بیہودہ قرار دے دیا۔

چوہدری شجاعت نے سماجی رابطے کی ویب سائٹ ٹوئٹر پر اپنے بیان میں کہا کہ میرے چھوٹے بھائی وجاہت حسین نے آبائی علاقہ گجرات میں کچھ باتیں کی ہیں، جس میں انہوں نے قومی سطح کے لیڈر اور سابق صدر آصف زرداری پر الزام تراشی کی ہے۔

انہوں نے کہا کہ چوہدری وجاہت نے تقریر کے دوران میرے بیٹوں پر آصف زرداری سے ڈالر مانگنے کا انتہائی بے ہودہ الزام لگایا ہے، چھوٹے بھائی کے آصف زرداری پر الزام تراشی درست نہیں ہے۔

خیال رہے کہ گزشتہ روز ق لیگ کے سینئر رہنما چودھری وجاہت حسین نے گجرات میں ورکرز سے خطاب کے دوران اپنے بھائی کے بیٹے پر سنگین الزامات عائد کرتے ہوئے کہا تھا کہ چوہدری ظہورالہٰی کے پوتے نے زرداری سے ڈالرز مانگے۔

انہوں نے کہا کہ طارق بشیر چیمہ نے ہمارے خاندان کو تقسیم کردیا ہے، نہ جانے ہمارے خاندان کو کس کی نظر لگ گئی ہے، چودھری شجاعت کے گھر کبھی زرداری کبھی شہباز اور کبھی مولانا پہنچ جاتے ہیں۔

چوہدری وجاہت کا کہنا تھا کہ چودھری شجاعت نے مجھ سے کہا کہ عوام کو پیغام دو کہ میں اور پرویزالہٰی ایک تھے اور ہیں، میں نے ان سے کہا کہ الیکشن کسی وقت بھی متوقع عوام کی رائے سے کوئی لاعلم نہیں، اس وقت پولیس ایک بھائی کے آگے ہے اور دوسرے بھآئی کے پیچھے ہے۔

Comments

یہ بھی پڑھیں