سابق صوبائی وزیر عبدالغفور میو نے بھی ن لیگ سے بغاوت کردی chaudhry abdul ghafoor
The news is by your side.

Advertisement

سابق صوبائی وزیر عبدالغفور میو نے بھی ن لیگ سے بغاوت کردی

لاہور: سابق صوبائی وزیر چوہدری عبدالغفور میو نے بھی ن لیگ سے بغاوت کرتے ہوئے کہا ہے کہ ن لیگ قیادت نے اداروں سے ظلم کیا انہیں برباد کیا، حمزہ شہباز کے حلقے میں جاکر ان کو بے نقاب کروں گا۔

تفصیلات کے مطابق زعیم قادری کے بعد ن لیگ کے سابق صوبائی وزیر عبدالغفور میو نے بھی ن لیگ سے بغاوت کردی ہے، لاہور میں نیوز کانفرنس کرتے ہوئے عبدالغفور میو نے کہا کہ شریف خاندان کا کوئی نہ کوئی فرد مشرف سے ملتا تھا، سب جانتے ہیں مشرف دور کے سامنے ڈٹ کر کون کھڑا رہا، ن لیگ قیادت نے انکار کیا تو میں بتاؤں گا مشرف سے جاکر کون ملتا تھا۔

انہوں نے کہا کہ ٹکٹ ہولڈر کرپٹ لوگوں کی حقیقت عوام کو بتاؤں گا، ن لیگ قیادت بتائے دانیال عزیز اور ماروی میمن کہاں سے آئے، نواز شریف اور شہباز شریف کو غلط فیصلوں سے روکا تھا، بدقسمتی سے 2013 میں بھی ن لیگ میں ٹکٹوں کی خریدوفروخت ہوئی۔

چوہدری عبدالغفور نے کہا کہ ن لیگ چھوڑ کر کسی جماعت میں نہیں جاؤں گا، جتنی عمر باقی ہے پاکستان اور اداروں کے ساتھ ہوں، عوام ملک کے اداروں کو کمزور نہیں ہونے دے گی، کبھی ایسی قیادت کے ساتھ نہیں کھڑا ہوسکتا جو پاکستان کو کمزور کرے۔

سابق صوبائی وزیر کے مطابق زعیم قادری نے کہا لاہور کسی کے باپ کی ملکیت نہیں ہے، میں کہتا ہوں پاکستان سوائے عوام کے کسی کی ملکیت نہیں ہے، ن لیگ کی قیادت اسمبلی میں کرپٹ، لینڈ مافیا کو لے کر جاتی ہے، میں نے کسی حلقے کے ٹکٹ کے لیے کاغذات جمع نہیں کرائے، ن لیگ قیادت سے پوچھنا چاہتا ہوں ٹکٹیں کتنے میں بکیں، لیگی قیادت کے لیے پیسہ ٹکٹوں کی تقسیم پر حاوی ہے۔

چوہدری عبدالغفور میو نے کہا کہ ہمیں مودی کے دوستوں کا راستہ روکنے کی ضرورت ہے، مودی کا یار بھی کسی کے ووٹوں سے وزیر اعظم بنا تھا، ن لیگ کی قیادت لینڈ مافیا اور کرپٹ لوگوں کو ٹکٹیں نہ دے۔ پی ٹی سی پاکستان کا ادارہ ہے کسی کے باپ کا نہیں ہے۔

پی ٹی آئی ترجمان فواد چوہدری کا ردعمل

پاکستان تحریک انصاف کے ترجمان فواہد چوہدری نے کہا ہے کہ چوہدری عبدالغفور نواز شریف کے پرانے ساتھی تھے، ن لیگ کی جڑیں مکمل کمزور ہوچکی ہیں۔

انہوں نے کہا کہ ن لیگ کی قیادت کا چہرہ سامنے آنے پر لوگ انہیں چھوڑ کر جارہے ہیں، پی ٹی آئی کا مقابلہ آزاد امیدواروں سے زیادہ ن لیگ سے کم ہوگا، ن لیگ کی پنجاب میں اب کوئی اہمیت نہیں رہی ہے، لوگ ن لیگ کو چھوڑ کر آزاد حیثیت میں الیکشن لڑ رہے ہیں۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں