ایس ایس پی چوہدری اسلم جب تک زندہ رہے دہشت گردوں کے لیے خوف کی علامت بنے رہے۔
کراچی آپریشن کی بات کریں یا پولیس مقابلوں میں اہم دہشت گردوں کی گرفتاری کی ان میں ایس ایس پی چوہدری اسلم کا نام چند افسران میں سرفہرست ہے۔
چوہدری اسلم کا انداز بھی کسی بھارتی فلم کے ہیرو سے کم نہیں ہے جو پولیس افسر کا کردار نبھاتے ہیں۔ جب ان کے گھر پر حملہ کیا گیا تو انہوں نے جو گفتگو کی اس میں سلمان خان کا انداز نمایاں لگتا ہے۔
چوہدری اسلم اور دبنگ فلم میں سلمان خان کے کردار پر نظر دوڑائیں تو دونوں میں مماثلت دکھائی دیتی ہے۔انہوں نے گھر پر حملے کے بعد کہا تھا کہ انہوں نے شیر کے منہ میں ہاتھ ڈالا ہے میں ان کی نسلیں تباہ کردوں گا، اسی طرح کے کچھ ڈائیلاگ سلمان خان نے دبنگ میں بھی ادا کیے تھے۔
واضح رہے کہ چوہدری اسلم کو کراچی کے علاقے عیسیٰ نگری کے قریب دہشت گردوں نے حملہ کرکے شہید کردیا تھا۔
