The news is by your side.

Advertisement

نئے پاکستان کو بنانے کے لیے جامعات کوبھی ساتھ دینا ہوگا، گورنر پنجاب

لاہور: گورنر پنجاب چوہدری محمد سرور کا کہنا ہے کہ بزنس کمیونٹی کے ساتھ مل کر پاکستان کو خوشحال ملک بنانا ہے۔

تفصیلات کے مطابق گورنر پنجاب چوہدری محمد سرور نے کہا کہ نوجوانوں کو بزنس کی طرف لانا ہے، بزنس کمیونٹی کے ساتھ مل کر پاکستان کوخوشحال ملک بنانا ہے۔

چوہدری محمد سرور نے کہا کہ جامعات میں وائس چانسلر سیاسی نہیں میرٹ پر لگانے ہیں، میرٹ کو ترجیح دی جائے گی، سفارشوں کونہیں مانیں گے۔

گورنر پنجاب نے مزید کہا کہ نئے پاکستان کو بنانے کے لیے جامعات کوبھی ساتھ دینا ہوگا۔

یاد رہے کہ 3 جولائی کو گورنر پنجاب کا کہنا تھا کہ دولت اور جائیدادیں رکھنے والوں کو تاریخ نے کبھی یاد نہیں رکھا ہے، انسانیت کی خدمت کرنے والوں کو ہمیشہ یاد رکھا جاتا ہے، ملک کی خاطر اپنے بچوں کو چھوڑ کر وطن آیا۔

گورنر پنجاب کا کہنا تھا کہ فیلو شپ پروگرام سے نوکریاں ملنا احسن اقدام ہے، نوجوانوں کا جوش و جذبہ دیکھ کر خوشی ہوتی ہے، ہزاروں بچے ڈگریاں لے کر بھی بے روزگار رہتے ہیں، فیلو شپ اور تربیت کے ماڈل کو درسگاہوں کو اپنانا چاہیے۔

Comments

comments

یہ بھی پڑھیں