The news is by your side.

Advertisement

کوئی محب وطن پاکستانی دھرنے میں شامل نہیں ہوگا، گورنر پنجاب

لاہور: گورنر پنجاب چوہدری محمد سرور کا کہنا ہے کہ کوئی محب وطن پاکستانی دھرنے میں شامل نہیں ہوگا، اپوزیشن کی جانب سے مطالبات غلط ہیں۔

تفصیلات کے مطابق گورنر پنجاب چوہدری محمد سرور نے میڈیا سے گفتگو کرتے ہوئے کہا کہ اپوزیشن بھی دل سے اس دھرنے میں شریک نہیں ہونا چاہتی۔

گورنر پنجاب نے کہا کہ جمہوریت میں احتجاج پرکوئی قدغن نہیں ہوتی، ملک میں مارشل لا کی کوئی گنجائش نہیں، نہ ہی امکان ہے، قوم میں سیاسی شعورآچکا ہے جمہوریت میں ہی ملک کی بقا ہے۔

چوہدری محمد سرور نے کہا کہ اپوزیشن کی جانب سے مطالبات غلط ہیں، اپوزیشن خود احتجاج نہیں کرنا چاہتی۔ انہوں نے کہا کہ پاور فل مذاکرات کمیٹی بنائی گئی ہے۔

شہبازشریف نے آزادی مارچ میں شرکت بلاول بھٹو کی شمولیت سے مشروط کردی

یاد رہے کہ گزشتہ روز شہبازشریف کی مولانا فضل الرحمان سے ملاقات کی اندرونی کہانی سامنے آگئی تھی ، شہبازشریف نے آزادی مارچ میں شرکت بلاول بھٹو کی شمولیت سے مشروط کر دی تھی۔

مسلم لیگ ن کے صدر کا کہنا تھا کہ پیپلزپارٹی جس سطح کا وفد بھیجے گی، ن لیگی وفد بھی اسی سطح کا ہوگا، پیپلزپارٹی کی دوسرے درجے کی قیادت کے ساتھ کھڑا نہیں ہوسکتا۔

شہبازشریف نے واضح کر دیا تھا بلاول بھٹوکے نہ ہونے پر احسن اقبال قیادت کریں گے۔ انہوں نے مزید کہا تھا کہ کمر درد میں مبتلا ہوں صحت بہتر ہوئی تو اسلام آباد آنے کی کوشش کروں گا۔

Comments

comments

یہ بھی پڑھیں