کراچی آپریشن غیرسیاسی ہے، چوہدری نثار -
The news is by your side.

Advertisement

کراچی آپریشن غیرسیاسی ہے، چوہدری نثار

لندن :وزیر داخلہ چوہدری نثار علی خان نے کہا کہ نائن الیون کے حملوں کے بعد پاکستان آرمی نے جلد بازی میں کاروائی کی۔

تفصیلات کے مطابق چوہدری نثارعلی خان کا کہنا تھا کہ کراچی آپریشن غیرسیاسی ہے، تاہم، سیاسی جماعتوں کے ساتھ منسلک جرائم پیشہ افراد اور دہشت گردوں کی آپریشن کے دوران گرفتاریاں کی گئیں.

منگل کے روز وزیرداخلہ چوہدری نثارنے اپنے ہم منصب برطانوی ہوم سیکرٹری تھریسا مے سے ملاقات کی اور دو طرفہ معاملات اور پاکستان اور برطانیہ کے تعلقات پر بات چیت کی۔

وزیرداخلہ نے اپنی ہم منصب سے ملاقات میں ڈاکٹر عمران فاروق قتل کیس اور بھارتی خفیہ ایجنسی را کی طرف سے متحدہ قومی موومنٹ کو مبینہ طور پر مالی امداد پربھی تبادلہ خیال کیا.

سٹریٹیجک سٹڈیز کے بین الاقوامی ادارے کو خطاب کرتے ہوئے، چوہدری نثار نے کہا کہ کراچی میں جرائم پیشہ افراد اور دہشت گردوں کے خلاف جاری آپریشن غیر سیاسی ہے. تاہم، سیاسی جماعتوں کے ساتھ منسلک جرائم پیشہ افراد اور دہشت گردوں کی آپریشن کے دوران گرفتاریاں کی گئیں.

انہوں نے کہا کہ پاکستان کو بہت بڑے چیلنجز کا سامنا ہے، دہشت گردوں کو پاکستان پرمسلط کیا گیا اور پورے ملک کو بے بس چھوڑ دیا .

انہوں نے کہا کہ ایک فوجی آمر، جو اَن کا ذاتی دوست ہوا کرتا تھا، صرف واشنگٹن سے ایک فون آنے پر اس نے ملک کا مستقبل داوَ پر لگا دیا تھا، جس کا انکشاف ان کی یاداشتوں میں کیا گیا تھا.

اس ملک کی یکجہتی اور سلامتی پر ایک بہت بڑا بوجھ رکھ دیا گیا . انہوں نے کہا کہ گزشتہ حکومتوں 9/11 حملوں کے بعد جلد بازی میں کام کیا، جبکہ 9/11 ہائی جیکروں میں سے کسی کا بھی پاکسان میں براہ راست کوئی رابطہ نہیں تھا.

وزیرداخلہ نے کہا کہ ایک وقت تھا کہ پاکستان کو روزانہ کی بنیاد پر دہشت گرد حملوں کا سامنا تھا، لیکن اس مشکل وقت سےاب تک ایک طویل سفر طے کیا ہے، انہوں نے کہا کہ افغانستان پر حملےسے پاکستان پربھی اثر پڑے گا اور دونوں ممالک ایک دوسرے کے ساتھ رہنا چاہئے.

Comments

comments

یہ بھی پڑھیں