The news is by your side.

Advertisement

نوازشریف نے بے وفائی کی، میں مخلوق خدا کے ٹکٹ پر کھڑا ہوں: چوہدری نثار

راولپنڈی: سابق وزیر داخلہ چوہدری نثارعلی خان نے الزام لگایا ہے کہ نواز شریف نے ان سے بے وفاقی کی.

ان خیالات کا اظہار انھوں‌ نے ایک انتخابی جلسے سے خطاب کرتے ہوئے کیا. ان کا کہنا تھا کہ عزت عہدوں سے نہیں، کردار سے آتی ہے.

ان کا کہنا تھا کہ میرے حلقے کا موازنہ زرداری، شہباز،عمران خان کے حلقے سے کریں، یہ عام حلقہ نہیں، مخلوق خدا کے ٹکٹ پر کھڑا ہوں۔

چوہدری نثار نے کہا کہ تقریریں اوردعوے کرنا آسان ہے، میدان میں آنا مشکل ہے، میں تھو ک کرنہیں جاٹتا، عوام کے زورپرچار حلقوں سے الیکشن لڑرہا ہوں۔

انھوں‌ نے کہا کہ میں تو دوستوں پرقربان ہونے والا شخص ہوں، کبھی ٹکٹ کے لئےدرخواست نہیں دی، میں کسی کے پیچھے ہاتھ باندھ کرکھڑا نہیں ہوسکتا.

چوہدری نثار نے کہا کہ نوازشریف کو کل ہونے والےمعاملے سے بچانا چاہتا تھا، نوازشریف کو سوچنا چاہیے، وہ غلط تھے یا میں.

 واضح رہے کہ گذشتہ روز ایک جلسے سے خطاب کرتے ہوئے چوہدری نثار نے کہا تھا کہ میں روایتی سیاستدان نہیں ہوں، عزت عہدوں سے نہیں کردار سے ملتی ہے، جیپ کی سواری بھی کرو، جیپ کو اوور لوڈ بھی کردو۔


جیپ کی سواری کرو اور اسے اوور لوڈ بھی کردو، چوہدری نثار کی عوام سے اپیل


خبر کے بارے میں اپنی رائے کا اظہار کمنٹس میں کریں‘مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں