The news is by your side.

Advertisement

پنجاب میں فرانزک لیب کی تعمیر ہماری حکومت کا کارنامہ ہے‘ پرویزالٰہی

لاہور: سابق وزیراعلیٰ پنجاب چوہدری پرویزالٰہی نے کہا ہے کہ پنجاب میں فرانزک لیب کی تعمیران کی حکومت کا کارنامہ ہے جس کا کریڈٹ شہباز شریف لے رہے ہیں۔

تفصیلات کے مطابق مسلم لیگ ق کے رہنما اور سابق وزیراعلیٰ پنجاب چوہدری پرویزالٰہی نے اپنے ایک بیان میں کہا ہے کہ ان کی حکومت کے پانچ سال کے مقابلے میں شہبازشریف نے 15 سال میں بھی کچھ نہیں کیا۔

چوہدری پرویز الہیٰ نے کہا کہ شہبازشریف نے اپناجو منصوبہ شروع کیا وہ بری طرح ناکام ہوا۔

انہوں نے کہا کہ شہبازشریف اب لاہورمیٹرو ٹرین، رنگ روڈ، فرانزک لیبارٹری، آئی ٹی، لینڈ ریکارڈ اور گاڑیوں کی کمپیوٹرائزیشن، چائلڈ پروٹیکشن اینڈ ویلفیئر بیوروسمیت دیگر مثالی منصوبوں کا ذکر کرکےہیروبننےکی ناکام کوشش کررہے ہیں

یاد رہے کہ چار روز قبل مسلم لیگ ق کے رہنما اور سابق وزیراعلیٰ پنجاب چوہدری پرویز الہیٰ کا کہنا تھا کہ شہبازشریف کی عادت ہے اتنا جھوٹ بولوکہ لوگ سچ سمجھیں۔

چوہدری پرویز الہیٰ نے شہبازشریف پرتنقید کرتے ہوئے کہا تھا کہ وزیراعلیٰ پنجاب نے صوبے کو کنگال کردیا ہے۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Comments

comments

یہ بھی پڑھیں