The news is by your side.

Advertisement

چوہدری شجاعت کی طبیعت میں بہتری ، کل یا پرسوں اسپتال سے ڈسچارج کر دیا جائے گا

لاہور : اسپتال ذرائع کا کہنا ہے کہ سروسز اسپتال میں زیر علاج چوہدری شجاعت حسین کی طبیعت بہتر ہورہی ہے، انھیں کل یا پرسوں اسپتال سے ڈسچارج کر دیا جائے گا۔

تفصیلات کے مطابق سروسز اسپتال میں زیر علاج چوہدری شجاعت حسین کی حالت پہلے سے بہتر ہے ، اسپتال ذرائع کا کہنا ہے کہ حالت بہتر رہنے پر کل یا پرسوں اسپتال سے ڈسچارج کردیاجائے گا، 4رکنی میڈیکل بورڈ آج چوہدری شجاعت حسین کا چیک اپ کرے گا۔

اسپتال انتظامیہ کے مطابق چوہدری شجاعت حسین کو سیمی سالڈناشتہ دیا گیا ہے ، ان کا شوگر بلڈ پریشر نارمل ہے جبکہ ان کے سینے اور پیٹ کی سٹی سکین ہو چکا ہے۔

ذرائع میڈیکل بورڈ کا کہنا ہے کہ چوہدری شجاعت کے سینے میں بلغم کی مقدار میں کمی آئی ، ان کی حالت میں بہتری آرہی ہے۔

خیال رہے مسلم لیگ ق کے صدر چوہدری شجاعت حسین کو چھ نومبر کو طبعیت ناساز ہونے پر سروسز ہسپتال منتقل کیاگیا، چاررکنی بورڈ بورڈ روزانہ کی بنیاد پر چیک اپ کررہا ہے۔

گذشتہ روز طبی معائنے کے بعد چوہدری شجاعت کو سینے اور پیٹ کا سی ٹی سکین تجویز ہوا تھا، جس کے بعد اسپتال کے ریڈیالوجی ڈیپارٹمنٹ میں ٹیسٹ کروانے کے بعد مسلم لیگ ق کے صدر کو دوبارہ وی آئی پی روم ون میں منتقل کردیا گیا تھا۔

ڈاکٹرز کے مطابق چوہدری شجاعت کی حالت پہلے سے بہتر ہے، انھیں نرم غذا دی جارہی ہے۔

مسلم لیگ ن کے رہنما سردار ایاز صادق اور خواجہ سعد رفیق اسپتال میں چوہدری شجاعت کی عیادت کے لیے پہنچے اور چوہدری پرویز الہی سے ملاقات کی اور شجاعت حسین کی طبعیت دریافت کی سابق چیف چسٹس ثاقب نثار بھی چوہدری شجاعت کی عیادت کے لیے ہسپتال پہنچے تھے۔

Comments

یہ بھی پڑھیں