The news is by your side.

Advertisement

’پرویزمشرف والا کٹا کھولنے کا کیا فائدہ‘

گجرات: حکمراں جماعت کی اتحادی مسلم لیگ(ق) کے صدر چوہدری شجاعت حسین نے کہا کہ پرویزمشرف والا کٹا کھولنے کا کیا فائدہ؟ الزام تراشی یا دھرنا کلچرکے بجائے ملک کو دلدل سےنکالیں۔

تفصیلات کے مطابق میڈیا کو جاری کیے گئے بیان میں چوہدری شجاعت حسین کا کہنا تھا کہ عوامی فلاح کے بجائےنئےگورکھ دھندوں میں نہ پڑیں، نئےگورکھ دھندوں سےعوام کوکیافائدہ ہوگا؟

انہوں نے کہا کہ مہنگائی اور بےروزگاری کےذمہ داروں کیلئےدرخواست دیں گے، امیدیں دلا کر دھوکا دینےوالوں کو بےنقاب کرناچاہیے۔

چوہدری شجاعت حسین کا کہنا تھا کہ الزام تراشی یادھرناکلچرکےبجائےملک کودلدل سےنکالیں، پرویزمشرف کاکیس 5سال سےزائدعرصہ سےچل رہاہے،ملک کےمفادمیں جوبھی پارٹی قدم اٹھائےگی ساتھ دیں گے۔

یہ بھی پڑھیں: پرویزمشرف کیس، اسلام آبادہائیکورٹ نے بینچ تشکیل دےدیا

واضح رہے کہ سابق صدر پرویز مشرف کیخلاف آئین شکنی کیس کا فیصلہ روکنے کے لیے دو درخواستیں دائرکی گئی ہیں، ایک درخواست وزارت داخلہ اور دوسری پرویز مشرف کے وکیل نے دائر کی۔

وزارت داخلہ نے درخواست میں مؤقف اختیار کیا کہ پرویز مشرف کو صفائی کا موقع ملنے تک خصوصی عدالت کو کارروائی سے اور نئی پراسیکیوشن ٹیم تعینات کرنے تک خصوصی عدالت کو کارروائی سے بھی روکا جائے، اس کے علاوہ خصوصی عدالت کا فیصلہ محفوظ کرنے کا حکم نامہ معطل کیا جائے۔

fb-share-icon0
Tweet 20

Comments

comments

یہ بھی پڑھیں