The news is by your side.

Advertisement

چوہدری شجاعت حسین کی پیرصاحب پگارا کو لاہور آنے کی دعوت

لاہور : پاکستان مسلم لیگ(ق) کے صدر چوہدری شجاعت حسین نے پیرصاحب پگارا کو لاہور آنے کی دعوت دی ، جسے پیرصاحب پگارا نے قبول کرتے ہوئے کہا دبئی جارہا ہوں،واپسی پر لاہورکا دورہ کروں گا۔

تفصیلات کے مطابق پاکستان مسلم لیگ(ق) کے صدر چوہدری شجاعت حسین نے فنکشنل لیگ کے سربراہ  پیرصاحب پگارا سے ٹیلی فون پررابطہ کیا ، بات چیت کے دوران ملک کی موجودہ سیاسی صورتحال پر تبادلہ خیال کیا گیا۔

چوہدری شجاعت نے پیر پگارا کو لاہور آنے کی دعوت دی، پیر پگارا نے چوہدری شجاعت کی دعوت قبول کرلی اور کہا مختصردورے پردبئی جارہا ہوں،واپسی پر لاہورکا دورہ کروں گا۔

یاد رہے چند روز قبل مسلم لیگ ق کے صدر چوہدری شجاعت نے وزیراعظم کو مشورہ دیا تھا کہ سابق وزیر اعظم نواز شریف کو بیرون ملک جانے کی اجازت دینے کے معاملے پر ایک طوفان کھڑا ہوگیا ہے، اس طوفان کو عمران خان نے ہی کنٹرول کرنا ہے، زندگی اور موت اللہ کے ہاتھ میں ہے۔

مزید پڑھیں: نوازشریف معاملے کے طوفان کو عمران خان نے ہی کنٹرول کرنا ہے، چوہدری شجاعت حسین

ان کا کہنا تھا کہ عمران خان کو اللہ نے ایک موقع دیا ہے، وزیر اعظم ایسے لوگوں کی بات نہ سنیں جو ان کا نقصان کریں، اور اپنے ماتھے پر کلنک کا وہ داغ نہ لگنے دیں جس کو دھویا نہ جاسکے، صاحبِ اقتدار کو چاہیے کہ وہ عوام کی مشکلات کو مدنظر رکھتے ہوئےمہنگائی اور بے روزگاری پرتوجہ دے۔

اس سے قبل چوہدری شجاعت حسین نے کہا تھا کہ پہلا دھرنا ہو ا جس میں مولوی اور پولیس آمنے سامنے تھے مگر جھگڑا نہیں ہوا، وزیراعظم اور وزیرداخلہ اعجاز شاہ کو دھرنا کنٹرول کرنے کا کریڈٹ جاتا ہے، دونوں نے بڑی خوش اسلوبی کے ساتھ حالات کو کنٹرول کیا۔

fb-share-icon0
Tweet 20

Comments

comments

یہ بھی پڑھیں