عمران خان عوامی طاقت سے بننے والے پہلے وزیراعظم ہیں: چوہدری شجاعت
The news is by your side.

Advertisement

عمران خان عوامی طاقت سے بننے والے پہلے وزیراعظم ہیں: چوہدری شجاعت

اسلام آباد: مسلم لیگ ق کے سربراہ چوہدری شجاعت حسین نے کہا ہے کہ عمران خان عوامی طاقت سے  بننے والے پہلے وزیراعظم ہیں.

ان خیالات کا اظہار انھوں نے میڈیا سے بات چیت کرتے ہوئے کیا. ان کا کہنا تھا کہ مجھ سمیت تمام وزیراعظم بنائے جاتے تھے،  پچھلے 21 میں سے دو وزیراعظم میں نے اپنے ہاتھوں سے بنوائے تھے.

سابق وزیر اعظم نے کہا کہ ملکی وقار، تباہ شدہ معیشت کی بحالی کے لئے سب ان کا ساتھ دیں، عمران خان ایک مقصد، سوچ کے ساتھ محنت کرکے وزیراعظم منتخب ہوئے.


عمران خان: کپتانی سے وزارت عظمیٰ تک، کامیابیوں کی حیران کن کہانی


ان کا مزید کہنا تھا کہ اختلافات بھلا کرعمران خان کومقصد پورا کرنے دیا جائے، عمران خان کو مبارک باد دیتا ہوں۔

یاد رہے کہ آج قومی اسمبلی میں قائدِ ایوان کا انتخاب کیا گیا، تحریک انصاف ک سربراہ عمران خان آئندہ پانچ سال کے لیے ملک کے وزیراعظم منتخب ہوئے۔

تحریکِ انصاف کے سربراہ عمران خان نے ووٹنگ میں 176 ووٹ حاصل کیے جبکہ مسلم لیگ ن کے سربراہ شہباز شریف نے  96 ووٹ حاصل کیے

Comments

comments

یہ بھی پڑھیں