site
stats
پاکستان

سندھ میں واٹس ایپ پر نویں دسویں کے پرچے آؤٹ

سندھ بھر میں نویں و دسویں جماعت کے امتحانات میں نقل اور بوٹی مافیا کا راج جاری ہے۔ مختلف شہروں میں امتحان سے قبل ہی پرچے آؤٹ ہوگئے۔ طلبا نے نقل کے لیے واٹس ایپ کا بھی استعمال کیا۔

سندھ کے طالب علموں نے نقل کی راہ پر ساری عقل لگا دی۔ امتحان شروع ہونے سے قبل امتحانی پرچے آؤٹ ہوگئے۔ طلبا کا مستقبل بگاڑنے کے لیے بوٹی مافیا بھی سرگرم ہوگئی۔

شکار پور میں نقل کے لیے جدید ٹیکنالوجی کا استعمال ہونے لگا۔ اسلامیات کا پرچہ آؤٹ ہوکر واٹس ایپ پر شیئر ہونے لگا۔ واٹس ایپ گروپ کا ایڈمن پچاس روپے کے موبائل بیلنس پر پرچے بانٹنے کے مکروہ کام میں مصروف ہے۔

لاڑکانہ میں بھی طالب علموں نے واٹس ایپ کا خوب استعمال کیا۔ طلبا کھلے عام کتابوں سے بھی نقل کرتے رہے۔

مزید پڑھیں: سندھ میں نویں دسویں کے پرچے آؤٹ، وزیر اعلیٰ سخت برہم

سکھر میں بھی بوٹی مافیا کی بدولت میٹرک کا فزکس کا پرچہ آؤٹ ہو کر فوٹو اسٹیٹ کی دکانوں تک جا پہنچا۔ شاہ کوٹ میں بھی صورتحال کچھ مختلف نہیں۔ یہاں بھی کھلے عام نقل جاری رہی۔

یاد رہے کہ نویں اور دسویں کے امتحانات شروع ہونے کے بعد پیپر آؤٹ ہونے کی خبروں پر وزیر اعلیٰ سندھ مراد علی شاہ نے سخت برہمی کا اظہار کیا تھا۔

انہوں نے پرچہ آؤٹ ہونے کا نوٹس لیتے ہوئے کہا تھا کہ جس نے بھی پرچہ آؤٹ کیا وہ گھر جائے گا، اب معافی کی گنجائش نہیں۔

وزیر اعلیٰ نے اے آر وائی نیوز کی خبر کا بھی نوٹس لیتے ہوئے سیکریٹری یونیورسٹی اور میٹرک بورڈ کو فوری رپورٹ دینے کی ہدایات کی تھی۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top