The news is by your side.

Advertisement

مزیدار پنیر بالز بنانے کی ترکیب

آج چائے کے ساتھ آلو کے مزیدار پنیر بالز پیش کریں جو یقیناً آپ کے اہلخانہ کو نہایت مزیدار لگیں گے۔


اجزا

آلو: ابلے اور بھرتہ کیے ہوئے آدھا کلو

پنیر: کدوکش کیا ہوا 150 گرام

ہرا دھنیہ: کترا ہوا آدھی گڈی

لہسن: 5 جوئے

ہری مرچیں: کتری ہوئی 4 عدد

پسی ہوئی لال مرچ: 1 کھانے کا چمچ

پسا ہوا سفید زیرہ: 1 کھانے کا چمچ

میدہ: چھنا ہو آدھی پیالی

انڈے: 4 عدد

ڈبل روٹی کا چورا: ایک پیالی

نمک: حسب ذائقہ

تیل: حسب ذائقہ

سلاد کے پتے: سجانے کے لیے


ترکیب

ایک پیالے میں پنیر، دھنیہ، لہسن، ہری مرچیں، زیرہ اور نمک ملالیں۔

ہتھیلی کو گیلا کر کے تھوڑے سے آلو رکھیں اور اس کے درمیان میں پنیر کا تھوڑا سا آمیزہ بھر کر گیند کی شکل دے دیں۔

گیند کو پہلے میدے اور پھر انڈے اور ڈبل روٹی کے چورے میں لپیٹ لیں۔

اس عمل کو دہراتے ہوئے سارے آلوؤں کی بالز تیار کرلیں۔

تمام آلوؤں کی بالز بنانے کے بعد کڑاہی میں تیل گرم کریں اور بالز کو سنہری ہونے تک تل کر نکال لیں۔

ڈش کو سلاد کے پتوں کے ساتھ سجا کر آلو کے پنیر بالز اس پر رکھیں اور ٹماٹو کیچپ کے ساتھ پیش کریں۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

Print Friendly, PDF & Email

Comments

comments

یہ بھی پڑھیں