بسکٹ ایسی شے ہے جو کسی بھی وقت کھائی جاسکتی ہے، بسکٹ کو مختلف ذائقوں میں گھر میں بھی باآسانی تیار کیا جاسکتا ہے۔ آج ہم آپ کو مزیدار چیز بسکٹ بنانے کی ترکیب بتا رہے ہیں۔
اجزا
میدہ: 1 کپ
نمک: آدھا چائے کا چمچ
کالی مرچ: آدھا چائے کا چمچ
مسٹرڈ پاؤڈر: آدھا چائے کا چمچ
مکھن: 4 اونس
چیڈر چیز کدو کش کیا ہوا: 4 اونس
دلیہ: 2 کھانے کے چمچ
پیپریکا: 1 چائے کا چمچ
انڈے کی سفیدی: 1 عدد
ترکیب
سب سے پہلے پیالے میں میدہ، نمک، کالی مرچ اور مسٹرڈ پاؤڈر ڈال کر مکس کریں۔
پھر اس میں مکھن شامل کر دیں اور اتنی دیر تک مکس کرتے رہیں کہ یہ کرمبل ہو جائے۔
اس کے بعد چیڈر چیز شامل کریں اور اچھی طرح گوندھ لیں۔
اب کسی سطح پر تھوڑا سا خشک میدہ چھڑک کر ڈو کو پتلا بیل لیں، پھر کسی بھی شکل کے کوکیز کاٹ لیں اور بیکنگ شیٹ پر رکھ دیں۔
اس کے بعد انڈے کی سفیدی کو پھینٹ کر برش کی مدد سے کوکیز پر لگا دیں۔
پھر دلیہ اور پیپریکا مکس کرکے کوکیز پر چھڑکیں۔
220 ڈگری سینٹی گریڈ پر گرم اوون میں پانچ سے چھ منٹ بیک کر لیں۔
مزیدار چیز بسکٹ تیار ہیں۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں