The news is by your side.

Advertisement

رم جھم برستی بارش میں مزیدار چیز پکوڑوں کا لطف اٹھائیں

بارشوں کا موسم پھر سے شروع ہوچکا ہے، ایسے میں پانی سے بھری سڑکیں اور ٹریفک جام آپ کو گھر میں رہنے میں مجبور کردیتا ہے۔

تو کیوں نہ اس غیر متوقع چھٹی کا لطف مزیدار چیز پکوڑوں سے دوبالا کیا جائے جو بارش کے موسم کو اور بھی سہانا بنا دیں گے۔

اجزا

کاٹیج چیز: 1 پیکٹ

بیسن: 1 پیالی

انڈا: 1 عدد

چکن کیوب: 1 عدد

لال مرچ (باریک کٹی ہوئی): 4 عدد

ہری مرچ (باریک کچلی ہوئی): 6 عدد

ہرا دھنیا: 1 گڈی

میٹھا سوڈا: چٹکی بھر

دہی: 1 چائے کا چمچ

سفید زیرہ: 1 چائے کا چمچ

تیل: حسب ضرورت

نمک: حسب ذائقہ

ترکیب

ایک پیالے میں بیسن، انڈا، دہی، میٹھا سوڈا، ہرا دھنیا، ہری مرچ، لال مرچ، سفید زیرہ، چکن کیوب اور نمک ڈال کر نیم گرم پانی کے ساتھ اچھی طرح ملائیں۔

اب اس میں کوٹیج چیز ملائیں۔

پھر کڑاہی میں تیل گرم کر کے اس میں بنائے ہوئے آمیزے کے پکوڑے تل لیں۔

جب وہ گولڈن براؤن ہو جائیں تو نکال کر ٹشو پیپر پر رکھ دیں، تاکہ چکنائی جذب ہو جائے۔

گرم گرم مزیدار چیز پکوڑے املی کی چٹنی اور ٹوماٹو کیچپ کے ساتھ سرو کریں۔

Comments

comments

یہ بھی پڑھیں