site
stats
پاکستان

ملک بھرمیں شہدائے کربلا کا چہلم عقیدت واحترام سے منایا گیا

کراچی /لاہور/ اسلام آباد /پشاور/ راولپنڈی : شہدائے کربلا کا چہلم ملک بھر میں عقیدت واحترام سے منایا گیا، جلوسوں اور مجالس کے لئے سیکورٹی کے سخت انتظامات کئے گئےتھے۔

تفصیلات کے مطابق حضرت امام حسین رضی اللہ تعالی عنہ اور ان کے ساتھیوں کا چہلم ملک بھر میں عقیدت و احترام سے منایا گیا۔

ملک کے مختلف شہروں میں چہلم کے جلوس برآمد ہوئے اور مجالس منعقد کی گئیں، پشاور ميں چہلم کے تین مرکزی جلوس نکالے گئے جن کی سیکیورٹی کے لئے تین ہزار اہلکار تعینات تھے۔

سیکیورٹی کے لئے جلوس کے راستوں پر داخلی اور خارجی راستوں کوبند کردیا گیا۔ کوئٹہ میں شہدائے کربلا کے چہلم کا جلوس رحمت اللہ چوک علمدار روڈ سے برآمد ہوا، سیکیورٹی کے لئے پولیس کے ساتھ ایف سی اور دیگر متعلقہ اداروں کے اہلکار تعینات تھے۔

جلوس بہشت زہرہ پہنچ کرختم ہوا۔ راولپنڈی میں شہدائے کربلا کے جلوس امام بارگاہ کرنل مقبول حسین اور امام بارگاہ عاشق حسین سے برآمد ہوئے۔

اس موقع پر سیکورٹی کے سخت اقدامات کئے گئے تھے۔، چہلم کے موقع پر کرم ایجنسی میں پاک افغان سرحدسیکیورٹی خدشات کے پیش نظر دو روز کیلئے بند ہے ۔

موبائل اوروائرلیس فون سروس بھی بند ہے ۔ کرم ایجنسی میں دو روز تعطیل ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top