site
stats
پاکستان

بلدیاتی انتخابات:انتظامیہ ایمانداری سے اپنے فرائض ادا کرے،چیف الیکشن کمشنر

اسلام آباد : چیف الیکشن کمشنر جسٹس(ر) سردار محمد رضا خان نے کہا ہے کہ بلدیاتی انتخابات کے دوسرے مرحلے میں بھی انتظامیہ بلاخوف اور ایمانداری سے اپنے فرائض ادا کرے۔

بلدیاتی انتخابات کے دوسرے مرحلے کے انعقاد کی تیاریوں کا جائزہ لینے کیلئے چیف الیکشن کمشنر جسٹس (ر) سردار محمد رضا خان کی زیرصدارت صوبائی آفس میں اجلاس ہوا، جس میں پنجاب کے 12 اضلاع کے آر اوز، ڈی پی اوز اور ڈی سی اوز سمیت دیگر حکام شریک ہوئے۔

اجلاس سے خطاب کرتے ہوئے چیف الیکشن کمشنر جسٹس (ر) سردار محمد رضا خان کا کہنا تھا کہ پہلے مرحلے کے انتخابات میں انتظامیہ اور پولیس کی کارکردگی بہتر رہی ہے، امید ہے 19 نومبر کو دوسرے مرحلے کے انتخابات بھی صاف شفاف ہوں گے۔

انہوں نے انتظامیہ پر زور دیا کہ قائد اعظم کے فرمان کے مطابق کسی سیاسی جماعت سے مرعوب نہ ہوا جائے، وزیراعظم اور وزراء آتے جاتے رہتے ہیں، بیوروکریسی مستقل ہے، انتظامیہ کو انتخابات کے انعقاد کیلئے اپنے فرائض بلاخوف اور ایمانداری سے ادا کرنے چاہئیں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top