شفاف انتخابات الیکشن کمیشن کے لئے چیلنج ہے، سردار رضا -
The news is by your side.

Advertisement

شفاف انتخابات الیکشن کمیشن کے لئے چیلنج ہے، سردار رضا

لاہور : چیف الیکشن کمشنر جسٹس ریٹائرڈ سردار رضا کا کہنا ہے کہ پنجاب میں شفاف انتخابات الیکشن کمیشن کے لئے چیلنج ہے پنجاب اور سندھ میں صاف شفاف بلدیاتی انتخابات کروا کر قوم کی توقعات پر پورا اتریں گے۔

لاہور میں چیف الیکشن کمشنر سردار رضا کی زیر صدارت سول بیوروکریسی اور آرپی اوز کا اجلاس ہواجس میں بلدیاتی اور ضمنی انتخابات کے انتظامات کا جائزہ لیا گیا۔

اس موقع پر چیف الیکشن کمشنر سردار رضا کا کہنا تھا کہ صاف شفاف اور منصفانہ انتخابات ہم سب کی ذمہ داری ہے۔

الیکشن کمیشن کی کوشش ہے کہ انتخابات کی شفافیت پر کوئی انگلی نہ اٹھا سکے، انہوں نے کہا کہ متعلقہ اداروں کی معاونت کے بغیر الیکشن کمیشن شفاف انتخابات نہیں کرواسکتا۔

اس موقع پر آئی جی پنجاب مشتاق سکھیرا نے الیکشن کمیشن کو انتخابات کے انعقاد میں تعاون کی یقین دہانی اور کہا کہ الیکشن کمیشن کو جہاں ضرورت پڑی فورس فراہم کریں گے۔

صوبائی الیکشن کمشنر مسعود ملک نے اجلاس کے دوران سکیورٹی اور عملے کی قلت کی شکایت کی۔

Comments

comments

یہ بھی پڑھیں