site
stats
پاکستان

امام حسین چہلم ، کراچی سمیت ملک بھر میں جلوس نکالے جا رہے ہیں

کراچی : شہداء کربلا کا چہلم آج عقیدت واحترام سے منایا جا رہا ہے، کراچی سمیت ملک بھر میں جلوس نکالے جا رہے ہیں، سیکیورٹی کے سخت انتظامات کئے جارہے ہیں۔

شہدا کربلا کا چہلم پوری عقیدت و احترام سےمنایا جارہا ہے، شہر شہر میں جلوس نکالے جارہے ہیں، کراچی ، لاہور ، راولپنڈی سمیت چھوٹے بڑے شہروں میں ماتمی جلوس مقررہ راستوں سے ہوتے ہوئے اختتام پذیر ہوں گے، پولیس، ایلیٹ فورس اور رینجرز اہلکار جلوس کی سیکورٹی پر مامور ہیں۔ جبکہ جلوسوں کے راستوں کو بھی سیل کردیا گیا ہے۔

لاہور میں مرکزی قدیمی ماتمی تعزیے کا جلوس اندرون شہر حویلی الف شاہ موچی گیٹ سے بر آمد ہو کر اپنی منزل کربلا گامے شاہ کی جانب رواں دواں ہے۔

کراچی میں شہداَئے کربلا کے جلوس کے لئے ایم جناح روڈ کو سیل کردیا گیا ہے جبکہ سیکورٹی کے سخت انتظامات کیے گئے ہیں ، صوبے بھر میں تعلیمی اداروں میں عام تعطیل ہے, پولیس کیمطابق کراچی میں 100 سے زائد ماتمی جلوس ، 465مجالس منعقد ہونگی.

راولپنڈی میں امام حسین رضی اللہ تعالی عنہ کے چہلم کا امام بارگاہ کرنل مقبول حسین سے برآمد ہوگا۔ جلوس کے راستوں کو خاردار تاریں اور کنٹینر لگا کر بند کردیا گیا۔

قیام امن یقینی بنانے کے لئے سندھ، پشاور اور کوئٹہ میں ڈبل سواری پر پابندی لگائی گئی ہے، اسلحہ کی نمائش پر پابندی ہے.

سیکرٹری داخلہ بلوچستان کےمطابق چہلم کےموقع پر کوئٹہ سمیت سات اضلاع میں دفعہ ایک سو چوالیس نافذ رہے گی۔ پشاور میں بھی دفعہ ایک سو چوالیس کےساتھ ساتھ افغان مہاجرین کے شہر میں داخلے پر پابندی لگائی گئی ہے.

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top