The news is by your side.

Advertisement

سابق مس امریکا نے بلند عمارت سے کود کر خود کشی کر لی

نیویارک: امریکا میں نیویارک شہر کی ایک بلند و بالا عمارت کے اپارٹمنٹ سے چھلانگ لگا کر سابق مس امریکا چیلسی کرسٹ نے خود کشی کر لی۔

تفصیلات کے مطابق پولیس حکام نے بتایا کہ اتوار کو مِڈ ٹاؤن کی ایک بلند و بالا عمارت سے کود کر خود کشی کرنے والی خاتون سابق مس یو ایس اے چیسلی کرسٹ تھیں۔

2019 کا مقابلہ حسن جیتنے والی چیلسی کرسٹ کا اپارٹمنٹ مین ہٹن میں 60 منزلہ اورین بلڈنگ کی نویں منزل پر تھا، جو اتوار کی صبح نیچے گلی میں مردہ پائی گئیں۔

عمارت سے چھلانگ لگانے سے کچھ ہی دیر قبل چیلسی کرسٹ نے اپنے انسٹاگرام پیج پر ایک پوسٹ میں لکھا "یہ دن آپ کے لیے سکون اور آرام لے کر آئے۔”

چیلسی کے اہل خانہ نے ایک بیان میں کہا کہ چیسلی نے ہمیشہ دوسروں کی خدمت کی، وہ مجسم محبت تھی، چاہے وہ سماجی انصاف کے لیے لڑنے والے وکیل کے طور پر ہو، مس یو ایس اے کے طور پر یا ایکسٹرا پر میزبان کے طور پر، لیکن سب سے اہم بات یہ ہے کہ ایک بیٹی، بہن، دوست، سرپرست اور ساتھی کے طور پر اس کی یاد زندہ رہے گی۔

رپورٹس کے مطابق عمارت کی نویں منزل پر رہنے والی چیلسی کرسٹ خود کشی کے وقت اپارٹمنٹ میں اکیلی تھیں، اور انھیں آخری بار 29 ویں منزل کی چھت پر دیکھا گیا تھا۔

ذرائع کا کہنا ہے کہ چیلسی کرسٹ نے اپنے پیچھے ایک نوٹ چھوڑا تھا جس میں کہا گیا تھا کہ وہ اپنی والدہ پر سب کچھ چھوڑنا چاہتی ہیں، جو خود بھی ماضی میں مقابلہ حسن میں شریک رہی تھیں، اور جنھیں 2002 میں مسز نارتھ کیرولینا کا تاج پہنایا گیا تھا۔

تاہم نوٹ میں چیلسی نے خود کشی کی وجہ کے بارے میں کچھ نہیں کہا، نہ ہی تاحال ان کے انتہائی اقدام کی وجہ سامنے آ سکی ہے۔

Comments

یہ بھی پڑھیں