The news is by your side.

Advertisement

افطار کے لیے چکن چیز پراٹھا تیار کریں

ماہ رمضان میں افطار میں ایسی چیزیں کھانی ضروری ہیں جو ذائقہ دار بھی ہوں اور غذائیت بخش بھی تاکہ دن بھر کی توانائی کی کمی کو پورا کیا جاسکے۔

اسی لیے آج ہم آپ کو چکن چیز پراٹھا بنانے کی ترکیب بتا رہے ہیں۔

اجزا

ڈو بنانے کے اجزا

گندم کا آٹا: 2 کپ

نمک: 1 چٹکی

کھانے کا تیل: حسب ضرورت

نیم گرم دودھ: حسب ضرورت

چکن فلنگ کے اجزا

ابلی ہوئی چکن کے ریشے: 300 گرام

ہری مرچ چوپ کی ہوئی: 2 عدد

نمک: حسب ضرورت

گرم مصالحہ: 1 چوتھائی کھانے کا چمچ

پیاز: 1 عدد

ہرا دھنیہ: 2 کھانے کے چمچ

دھنیہ پاؤڈر: آدھا کھانے کا چمچ

لال مرچ کٹی ہوئی: 1 کھانے کا چمچ

زیرہ پاؤڈر: آدھا کھانے کا چمچ

چیڈر چیز کدوکش کیا ہوا، 4 کھانے کے چمچ

موزریلا چیز کدوکش کیا ہوا: 4 کھانے کے چمچ

ترکیب

ایک برتن میں ابلی ہوئی چکن کے ریشے لیں، اس میں ہری مرچ، نمک، گرم مصالحہ، پیاز، ہرا دھنیہ، دھنیہ پاؤڈر، لال مرچ کٹی ہوئی اور زیرہ پاؤڈر ڈال کر اچھی طرح ملا لیں۔

ایک برتن میں آٹا لیں اس میں نمک اور کھانے کا تیل ڈال کر ملا لیں۔

اب اس میں دودھ ڈال کر گوندھ لیں اور 15 سے 20 منٹ کے لیے رکھ دیں۔

اس کا پیڑا بنا کر بیل لیں۔

تیار کی ہوئی چکن فلنگ ڈال کر پھیلا دیں۔

اب اس میں موزریلا چیز اور چیڈر چیز ڈال دیں۔

ایک اور پیڑا بیل کر اس کو بند کر دیں۔

توے پر ڈال کر پکا لیں۔

مزے دار چکن چیز پراٹھا تیار ہے۔

Comments

یہ بھی پڑھیں