افطار میں روزانہ پکوڑے، سموسے اور دہی بڑے کھانا تو عام سی بات ہے، آج افطار میں کچھ منفرد پیش کریں۔ شاشلک اسٹکس ود رائس یقیناً آج کے افطار کو منفرد بنا دیں گے۔
اجزا
چکن بون لیس، کیوبز میں کٹا ہوا: 250 گرام
لہسن ادرک پیسٹ: 2 چائے کے چمچ
نمک: حسب ذائقہ
لال مرچ: آدھا چائے کا چمچ
اجینو موتو (چائینیز سالٹ): آدھا چائے کا چمچ
سویا سوس: 1 کھانے کا چمچ
چلی سوس: 1 کھانے کا چمچ
تل کا تیل: 2 چائے کے چمچ
ٹماٹر کیوبز میں کاٹ لیں: 1 عدد
شملہ مرچ: 1 عدد
پیاز: 1 عدد
تیل: حسب ضرورت
چاول (ابلے ہوئے): 1 کپ
چکن پاؤڈر: 1 چائے کا چمچ
نمک اور سیاہ مرچ پاؤڈر: حسب ذائقہ
ترکیب
سب سے پہلے ایک پیالے میں چکن، لہسن ادرک پیسٹ، نمک، لال مرچ پاؤڈر، چائینز سالٹ، سویا سوس، چلی سوس اور تل کا تیل ڈال کر مکس کریں۔
چار گھنٹوں تک میری نیٹ ہونے کے لیے فریج میں رکھ دیں۔
سوس پین میں ایک کھانے کا چمچ تیل گرم کریں۔
اس میں بھی لہسن پیسٹ، چائینز سالٹ اور چکن پاؤڈر ڈال کر چمچ ہلائیں۔
چاول، نمک اور سیاہ مرچ پاؤڈر ڈال کر فرائی کریں اور چاولوں کو مولڈ میں نکال کر سیٹ ہونے کے لیے رکھ دیں۔
شاشلک میں میری نیٹ کیے ہوئے گوشت کے کیوبز ٹماٹر، پیاز اور شملہ مرچوں کے کیوبز کے ساتھ ترتیب سے پرو کر شاشلک اسٹکس تیار کر لیں۔
نان اسٹک فرائنگ پین میں تیل گرم کر کے اس میں اسٹکس کو مسلسل پلٹتے ہوئے فرائی کریں تاکہ گوشت اچھی طرح گل جائے۔
سرونگ ڈش میں شاشلک اسٹکس رکھیں اور مولڈ میں رکھے ہوئے رائس کو ڈش میں الٹ کر سیٹ کریں۔
شاشلک اسٹک ود رائس آپ کے دستر خوان کا حصہ بننے کے لیے تیار ہے۔
