The news is by your side.

Advertisement

سینئر کانگریس رہنما چدمبرم کا مودی سرکار کو پاکستان سے مذاکرات کا مشورہ

نئی دہلی: بھارتی وزیرِ اعظم کی پاکستان کے ساتھ کشیدگی بڑھانے کی کوششوں کے بر عکس کانگریس کے سینئر رہنما چدمبرم نے مودی سرکار کو پاکستان سے مذاکرات کا مشورہ دے دیا ہے۔

تفصیلات کے مطابق سابق وزیرِ خزانہ پی چِدمبرم نے نریندر سنگھ مودی کو مشورہ دیا ہے کہ وہ پاکستان کے ساتھ کشیدگی بڑھانے کی بہ جائے مذاکرات کریں۔

پڑوسی کے ساتھ کشیدگی کی بہ جائے ملک کے اندر علیحدگی پسند تحریکوں سے نمٹنے کا بندوبست کرنا چاہیے۔

پی چدمبرم

سینئر کانگریس رہنما نے کہا کہ جنگ سے بچنے کا حل صرف پاکستان سے مذاکرات ہیں۔

انھوں نے اپنے آرٹیکل میں کہا ہے کہ انڈیا کو جنگ کی طرف جانے کی کوئی بھی وجہ موجود نہیں ہے، نہ یہ 1971 ہے نہ ہی کارگل کی جنگ۔

ان کا کہنا تھا کہ پاکستان کی طرف سے کوئی کارروائی نہیں ہوئی ہے، تو مودی سرکار جنگ کی طرف کیوں جا رہی ہے۔

انھوں نے مودی سرکار کو یہ مشورہ بھی دیا کہ اسے پڑوسی کے ساتھ کشیدگی کی بہ جائے ملک کے اندر علیحدگی پسند تحریکوں سے نمٹنے کا بندوبست کرنا چاہیے۔

کانگریس رہنما چدمبرم نے کہا کہ جموں و کشمیر کے حا لا ت 70 سال میں بدل چکے ہیں، انڈیا کو اپنا رویہ بدلنا چاہیے۔

یہ بھی پڑھیں:  ابھی نندن کی رہائی، عمران خان کا فیصلہ بہادری قرار، بھارتی وزیراعلیٰ کا خراج تحسین

خیال رہے کہ مودی سرکار نے انتخابات میں اپنی جیت کے لیے پاکستان کے ساتھ کشیدگی کو ہوا دے کر خطے میں جنگ کے شعلوں کو بھڑکانے کی کوشش کی، جس کی وجہ سے خود انڈیا میں انھیں شدید مخالفت کا سامنا کرنا پڑا ہے۔

پاکستان کے ساتھ سرحدوں پر فائرنگ اور گولہ باری کے علاوہ جنگی طیارے بھیج کر دراندازی کی مذموم کوششیں بھی کی گئیں، جس کے نتیجے میں پاکستانی شاہینوں نے دو بھارتی جہاز بھی مار گرائے اور ایک پائلٹ کو زندہ پکڑا، جسے بعد ازاں رہا کر دیا گیا۔

Comments

comments

یہ بھی پڑھیں