The news is by your side.

Advertisement

لاہور: چیف جسٹس نے لڑکی کے سابق فراڈی منگیتر کو گرفتارکروا دیا

لاہور : سپریم کورٹ کے حکم پر لڑکی کے سابق منگیتر سے فراڈ کرنے اور ڈیڑھ کروڑ روپے ہتھیانے کے الزام میں  ایک شخص کو گرفتار کرلیا گیا،  چیف جسٹس نے دو ہفتے میں تفتیشی رپورٹ طلب کر لی ۔

تفصیلات کے مطابق سپریم کورٹ لاہور رجسٹری میں چیف جسٹس میاں ثاقب نثار نے لاہور کی رہائشی لڑکی ظل ہما کی درخواست پر کارروائی کی ۔

درخواست گزارلڑکی کا مؤقف تھا کہ سابق منگیتر ابو وقاص نے اس سے ڈیڑھ کروڑ روپے ہتھیا لیے، لڑکی نے الزام عائد کیا کہ سابق منگیتر نے فراڈ سے 50لاکھ روپے اور پراپرٹی ہتھیالی ہے، رشتہ ختم ہونے کے باوجود رقم واپس نہیں کی جا رہی اور ملزم رقم واپس کرنے کے بجائے دھمکیاں دے رہا ہے۔

چیف جسٹس نے ریمارکس دیئے کہ یہ سراسر بدمعاشی ہے کہ بچیوں کے ساتھ فراڈ کیا جائے، اسے گرفتارکراتے ہیں،آدھے گھنٹے میں سب سچ بتادے گا۔

مزید پڑھیں : لیگی ایم این اے کیخلاف درخواست پرچیف جسٹس نے کارروائی کا حکم دے دیا

چیف جسٹس نے کہا کہ یہ کیا مذاق بنارکھا ہے، فراڈ کرکے ہائیکورٹ آگئے، کبھی سپریم کورٹ پہنچ گئے، انہوں نے ایف آئی اے اور سی آئی اے کو حکم دیا کہ ملزم کو احاطہ عدالت سے گرفتار کرکے معاملے کی دو ہفتے میں تفتیش مکمل کر کے رپورٹ پیش کی جائے۔


خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔  

Comments

comments

یہ بھی پڑھیں