The news is by your side.

Advertisement

ڈیل سے متعلق بیان ، اسلام آباد ہائی کورٹ نے وفاقی وزیر غلام سرور کو طلب کرلیا

اسلام آباد : ڈیل سے متعلق بیان دینے پر چیف جسٹس اسلام آباد ہائی کورٹ نے وفاقی وزیر غلام سرور خان کو طلب کرتے ہوئے 4صفحات پرمشتمل حکم نامہ جاری کردیا ہے۔

تفصیلات کے مطابق ڈیل سے متعلق بیان دینے پر وفاقی وزیر غلام سرور خان کے خلاف توہین عدالت کیس کی سماعت ہوئی ، سماعت میں چیف جسٹس اسلام آباد ہائی کورٹ نے وفاقی وزیر غلام سرور خان کو طلب کرلیا اور کہا غلام سرور خان 14 نومبر کو ہائیکورٹ میں پیش ہوں ، بتائیں کیوں نہ ان کے خلاف توہین عدالت کی کارروائی شروع کی جائے۔

چیف جسٹس ہائی کورٹ نے چار صفحات پر مشتمل حکم نامہ بھی جاری کیا ، جس میں کہا گیا غلام سرور نے میڈیکل رپورٹ کی جوڑ توڑ کے حوالے سے گفتگوکی، غلام سرورنے بیان دیا نواز شریف کی میڈیکل رپورٹ جعلی ہے، وزیر نے تاثر دیا جعلی رپورٹ پیش کرکے عدالت کو گمراہ کیا گیا۔

تحریری حکم نامہ میں کہا گیا کہ میڈیکل بورڈ حکومت نے تشکیل دیا تھا، وزرا کے بیانات عدالتوں پر اثر انداز اور اعتماد ختم کرنے کی کوشش ہے، رکن کابینہ نے عدالت پر الزام لگایا ہے۔

مزید پڑھیں : توہین عدالت کیس : وفاقی وزیر غلام سرورخان اور پیمرا کو نوٹس جاری

ہائی کورٹ کے حکم نامے کے مطابق معاون خصوصی فردوس عاشق اعوان کابھی معاملہ زیرسماعت ہے، وزرا کا مبینہ ڈیل کا تاثر دینا خود حکومت کے لیے فرد جرم ہے۔

اس سے قبل اسلام آباد ہائی کورٹ میں حکومت اور مسلم لیگ ن کے درمیان ڈیل سے متعلق کیس کی سماعت ہوئی تھی ، جس میں عدالت نے وفاقی وزیر غلام سرور خان اور پیمرا کو بھی نوٹس جاری کیا تھا۔

چیف جسٹس ہائی کورٹ نے ریمارکس میں کہا تھا اگر ڈیل ہوئی ہےتو حکومت کو فیصلہ کرنے دیں، یہ حساس معاملہ ہے، کابینہ کے رکن اس طرح بیان دے؟سمجھ نہیں آتا، فردوس عاشق کا توہین عدالت کیس غلام سرور کیس کے ساتھ سنا جائے گا۔

fb-share-icon0
Tweet 20

Comments

comments

یہ بھی پڑھیں